Bolat Ótemuratov elimizde eń baı adamdardyń biri. Olardyń aınalyspaıtyn bıznesi joq. Bókeń Qazaqstanda altyn óndiretin RG Gold jáne RG Processing kompanııalarynyń aktıvterine ıelik etetini belgili, dep habarlaıdy “Adyrna” ulttyq portaly Dalanews.kz saıtyna silteme jasap.
Ol altyn óndirý bıznesin óristetý úshin Qazaqstan damý bankinen Indýstrıaldy-ınnovaııalyq damý baǵdarlamasy aıasynda 2010-2014 jyldary jáne 2015-2019 jyldary jalpy 126,8 mlrd teńge nesıe alǵany málim boldy.
Altyn óndirisi elimizdegi eń tabysty salalardyń biri desek artyq aıtqandyq bolmas. Biraq sol jyldary Qazaqstan damý banki kóptegen máselelerdi attap ótip, olıgarhtyń altyn óndirisin qoldaýǵa qomaqty nesıe bólgenin túsiniksiz. Osydan keıin Qazaqstan damý banki Nazarbaev otbasyna jaqyn adamdardyń ámııanyna aınalyp ketti degen áńgimeni túsinýge bolady.
Shishkin_like kanaly RG Gold, RG Processing kompanııalary Nazarbaev otbasyna jaqyn júretin Bolat Ótemuratovqa tıesili ekenin jazypty. Bókeń memlekettiń qoldaýy úshin bólingen qomaqty qarjyny sol kezde «Temirbank» (qazirgi «ForteBank») arqyly qýyp kelgen ǵoı.
2022 jyldaǵy mamyr aıyndaǵy jaǵdaı boıynsha 64 jastaǵy Bolat Ótemuratov 2,8 mlrd dollar baılyǵymen elimizdegi baı adamdardyń tiziminde altynshy orynǵa jaıǵasqan.
ForteBank-tiń 89,35%-y (banktyń kapıtaly 277,7 mlrd teńgeni qurasa, jalpy aktıvi 2,42 trln teńgege jetken), budan basqa «KaR-Tel» JShS-nyń 25%-y, «Sky Mobile» kompanııasynyń 49,9%-y Bókeńniń ıgiliginde ekenin aıta ketýimiz kerek.
“Adyrna” ulttyq portaly
