Bolat Ötemūratov elımızde eŋ bai adamdardyŋ bırı. Olardyŋ ainalyspaityn biznesı joq. Bökeŋ Qazaqstanda altyn öndıretın RG Gold jäne RG Processing kompaniialarynyŋ aktivterıne ielık etetını belgılı, dep habarlaidy “Adyrna” ūlttyq portaly Dalanews.kz saityna sılteme jasap.
Altyn öndırısı elımızdegı eŋ tabysty salalardyŋ bırı desek artyq aitqandyq bolmas. Bıraq sol jyldary Qazaqstan damu bankı köptegen mäselelerdı attap ötıp, oligarhtyŋ altyn öndırısın qoldauǧa qomaqty nesie bölgenın tüsınıksız. Osydan keiın Qazaqstan damu bankı Nazarbaev otbasyna jaqyn adamdardyŋ ämiianyna ainalyp kettı degen äŋgımenı tüsınuge bolady.
Shishkin_like kanaly RG Gold, RG Processing kompaniialary Nazarbaev otbasyna jaqyn jüretın Bolat Ötemūratovqa tiesılı ekenın jazypty. Bökeŋ memlekettıŋ qoldauy üşın bölıngen qomaqty qarjyny sol kezde «Temırbank» (qazırgı «ForteBank») arqyly quyp kelgen ǧoi.
ForteBank-tıŋ 89,35%-y (banktyŋ kapitaly 277,7 mlrd teŋgenı qūrasa, jalpy aktivı 2,42 trln teŋgege jetken), būdan basqa «KaR-Tel» JŞS-nyŋ 25%-y, «Sky Mobile» kompaniiasynyŋ 49,9%-y Bökeŋnıŋ igılıgınde ekenın aita ketuımız kerek.
Ol altyn öndıru biznesın örıstetu üşın Qazaqstan damu bankınen İndustrialdy-innovasiialyq damu baǧdarlamasy aiasynda 2010-2014 jyldary jäne 2015-2019 jyldary jalpy 126,8 mlrd teŋge nesie alǧany mälım boldy.
2022 jyldaǧy mamyr aiyndaǧy jaǧdai boiynşa 64 jastaǧy Bolat Ötemūratov 2,8 mlrd dollar bailyǧymen elımızdegı bai adamdardyŋ tızımınde altynşy orynǧa jaiǧasqan.
“Adyrna” ūlttyq portaly
