نۇر-سۇلتاندىق پوليتسەيلەر ەسىرتكىنىڭ ءىرى پارتياسىن تاركىلەدى (ۆيدەو)

ەلوردالىق پوليتسيا قىزمەتكەرلەرى “قاراسورا” جەدەل-الدىن الۋ ءىس-شاراسى اياسىندا اسا ءىرى كولەمدە ەسىرتكى جەتكىزۋمەن جانە ساتۋمەن اينالىساتىن ادامداردى ۇستاۋ بويىنشا ارنايى وپەراتسيا جۇرگىزدى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ. ەسىرتكى وتكىزۋ ارناسىنىڭ جولىن كەسۋگە باعىتتالعان جەدەل-ىزدەستىرۋ ءىس-شارالارىن جۇرگىزۋ كەزىندە 37 جاستاعى كۇدىكتى ۇستالدى. تۇرعىلىقتى جەرى بويىنشا ءتىنتۋ جۇرگىزۋ بارىسىندا ونىڭ گاراجداعى اۆتوكولىگىنەن سالماعى 40 كەلى “ماريحۋانا” ەسىرتكى زاتى بار ەكى پاكەت تاركىلەندى. اتالعان فاكتى بويىنشا قر قك 297-بابى 2-بولىگى “ەسىرتكى زاتتاردى، پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، ساتىپ الۋ، ساقتاۋ، تاسىمالداۋ، جونەلتۋ نەمەسە وتكىزۋ” بويىنشا سوتقا دەيىنگى تەرگەۋ جۇرگىزىلۋدە. https://youtu.be/0hUOvaQkKwQ