الماتىلىق ادۆوكات جانگەلدى سۇلەيمانوۆ تەلەجۇرگىزۋشى تيگران كەوساياندى سوتقا بەردى، دەپ حابارلايدى “ادىرنا” ۇلتتىق پورتالى Orda.kz سايتىنا سىلتەمە جاساپ.
«كەوساياننىڭ ءبىزدىڭ حالقىمىزعا ءتىل تيگىزگەنى ءسوزسىز. ءسىم-نە وسى ءىس توڭىرەگىندەگى بەرىك پوزيتسياسىنا راحمەت. بىراق قازاقتار دا كەرى جاۋاپ قايتارۋ كەرەك. زاڭعا سايكەس، جاۋاپكەر شەتەلدىك بولسا دا، مۇنداي ىستەر بويىنشا ءبىزدىڭ قازاقستاندىق سوتقا شاعىم بەرۋگە بولادى. كەشە مەن الماتى قالاسىنىڭ المالى اۋداندىق سوتىنا وسىنداي تالاپ ارىز بەردىم. مەن سوتتان كەوسايان ءوزىنىڭ Youtube كانالىندا ءوزىنىڭ قاتەلەسكەنى تۋرالى جاڭا بەينە جاريالاۋىن سۇرايمىن. ودان باسقا ەشتەڭە قاجەت ەمەس»، — دەپ جازدى سۇلەيمانوۆ.
جازبا استىنا جازىلعان پىكىرلەردى قاراپ وتىرىپ سۇلەيمەنوۆتى قۇتتىقتاعانداردى جانە ونىڭ وسى ءبىر شەشىمىن قۇپ كورمەيتىندەردى دە بايقادىق. كەيبىر پايدالانۋشىلار سۇلەيمانوۆتىڭ سوتتا ازاماتتاردىڭ ار-نامىسى مەن قادىر-قاسيەتىن قالاي قورعاۋدى جوسپارلاپ وتىرعانىن تۇسىنبەيتىنىن جازىپ جاتتى. كەلىسپەيتىندەردىڭ ءبىر بولىگى قر ءسىم اتىنان قۇزىرلى ورگان بۇل ماسەلەگە نۇكتە قويعانىن جارىسا العا تارتىپ وتىر.
بەرىلگەن تالاپ ارىز سوتتىڭ قاراۋىندا، ال بۇل كەوساياننىڭ قازاقستان اتىنا ايتقان ءسوزى ءالى دە تالاسقا ءتۇسىپ، تالقىلانۋى مۇمكىن دەگەندى بىلدىرەدى.
“ادىرنا” ۇلتتىق پورتالى
