Almatylyq advokat Jangeldı Süleimanov telejürgızuşı Tigran Keosaiandy sotqa berdı, dep habarlaidy “Adyrna” ūlttyq portaly Orda.kz saityna sılteme jasap.
28 mausymda advokat Jangeldı Süleimanovtyŋ paraqşasynda onyŋ reseilık telejürgızuşı Tigran Keosaiandy sotqa bergenı turaly habarlama jariialandy. Advokat sotta Qazaqstan azamattarynyŋ ar-namysy men qadır-qasietın qorǧaudy josparlap otyr.
«Keosaiannyŋ bızdıŋ halqymyzǧa tıl tigızgenı sözsız. SIM-ne osy ıs töŋıregındegı berık pozisiiasyna rahmet. Bıraq qazaqtar da kerı jauap qaitaru kerek. Zaŋǧa säikes, jauapker şeteldık bolsa da, mūndai ıster boiynşa bızdıŋ qazaqstandyq sotqa şaǧym beruge bolady. Keşe men Almaty qalasynyŋ Almaly audandyq sotyna osyndai talap aryz berdım. Men sottan Keosaian özınıŋ Youtube kanalynda özınıŋ qateleskenı turaly jaŋa beine jariialauyn sūraimyn. Odan basqa eşteŋe qajet emes», — dep jazdy Süleimanov.Jazba astyna jazylǧan pıkırlerdı qarap otyryp Süleimenovty qūttyqtaǧandardy jäne onyŋ osy bır şeşımın qūp körmeitınderdı de baiqadyq. Keibır paidalanuşylar Süleimanovtyŋ sotta azamattardyŋ ar-namysy men qadır-qasietın qalai qorǧaudy josparlap otyrǧanyn tüsınbeitının jazyp jatty. Kelıspeitınderdıŋ bır bölıgı QR SIM atynan qūzyrly organ būl mäselege nükte qoiǧanyn jarysa alǧa tartyp otyr. Berılgen talap aryz sottyŋ qarauynda, al būl Keosaiannyŋ Qazaqstan atyna aitqan sözı älı de talasqa tüsıp, talqylanuy mümkın degendı bıldıredı.
“Adyrna” ūlttyq portaly
