قر پرەزيدەنتى جانىنداعى ورتالىق كوممۋنيكاتسيالار قىزمەتى الاڭىندا وتكەن بريفينگتە شىمكەنت قالاسىنىڭ اكىمى م.ايتەنوۆ تۇرعىنداردىڭ ينجەنەرلىك ينفراقۇرىلىممەن قامتىلۋ بارىسى جونىندە تولىعىراق مالىمدەدى.
سپيكەردىڭ ايتۋىنشا، قالادا 3 ەلدىمەكەن اۋىز سۋدى كەستەمەن قولدانادى. بيىل 8 نىساننىڭ قۇرىلىسى جۇرگىزىلۋدە. ناتيجەسىندە قامتۋ دەڭگەيى 98%-دان 99%-عا ارتادى. جوسپار بويىنشا 2023 جىلى اۋىز سۋ ماسەلەسى تولىعىمەن شەشىلەدى.
قالادا 81 تۇرعىن الاپ پەن شاعىن اۋدان بار. ونىڭ 62-ءسى كارىزبەن قامتىلماعان. قولدانىستاعى شايىندى سۋ تازارتۋ كەشەنىنىڭ قۋاتى جەتپەي جاتىر. وسى جىلى 7,3 ملرد.تەڭگە 19 نىساننىڭ قۇرىلىسى جۇرگىزىلۋدە. ناتيجەسىندە كارىز جۇيەسىمەن قامتۋ دەڭگەيى 54 پايىزدان 60 پايىزعا جەتەدى. دامۋ جوسپارى بويىنشا 2025 جىلى كارىزبەن قامتۋ كورسەتكىشىن 75 پايىزعا جەتپەك.
ال، 8 ەلدىمەكەندە ەلەكتر ەنەرگياسىنىڭ ساپاسى تومەن. بيىل 16 نىساننىڭ قۇرىلىسى جۇرگىزىلۋدە. ناتيجەسىندە قامتۋ دەڭگەيى 97 پايىزدان 99 پايىزعا جەتەدى. حالىقتى ساپالى ەلەكترمەن قامتۋ ماسەلەسى 2025 جىلى تولىعىمەن شەشىلەدى.
سونداي-اق، 31 ەلدىمەكەن گاز قۋاتتىلىعىنىڭ جەتكىلىكسىزدىگى سەبەبىنەن جارتىلاي قامتىلسا، 8 ەلدىمەكەن گازبەن مۇلدەم قامتىلماعان. اعىمداعى جىلى گازبەن قامتۋ بويىنشا 6 ملرد. تەڭگەگە 18 نىساننىڭ قۇرىلىسى جۇرگىزىلىپ جاتىر. ناتيجەسىندە قامتۋ دەڭگەيى 93%-دان 94,7%-عا ارتادى. تابيعي گازبەن قامتۋ ماسەلەسى 2025 جىلى تولىق شەشىلەدى.
747الەۋمەتتىك ماڭىزى بار كوشەلەردىڭ 324-ءى جارىقتاندىرىلعان. وسى جىلى مەملەكەتتىك-جەكەشەلىك ارىپتەستىگى اياسىندا 102 كوشەگە جارىق تارتىلادى. ناتيجەسىندە جارىقتاندىرۋ دەڭگەيى 43 پايىزدان 57 پايىزعا جەتەدى. 2025 جىلى 75 پايىزعا جەتكىزۋ كوزدەلگەن.
