جامبىل وبلىسىنداعى كاسىپورىندا ەكى جۇمىسشىنى فوسفور ۇنتاقتايتىن قوندىرعى تۋراپ تاستادى، دەپ حابارلايدى «ادىرنا» ءتىلشىسى «كتك» ارناسىنا سىلتەمە جاساپ.
سۇمدىق وقيعا «قازفوسفات» سەرىكىتەستىگىنىڭ سارىسۋ اۋدانىنداعى بولىمشەسىندە بولدى. «قاراتاۋ كەن ءوندىرۋ» كومبيناتىنداعى فوسفور ۇنتاقتايتىن قوندىرعىنى جوندەۋ كەزىندە ول ىسكە قوسىلىپ كەتكەن. ىشىندە بەس ادام بولىپتى.
35 جانە 28 جاستاعى ەكى قىزمەتكەر سول جەردە جان تاپسىردى. بەيرەسمي مالىمەتتەرگە سۇيەنسەك، قۇرىلعى ەكەۋىنىڭ دەنەسىن كەسكىلەپ، بولشەكتەپ تاستاعان.
قازا تاپقاندار دانەكەرلەۋشى جانە سلەسار بولىپ جۇمىس ىستەگەن ەكەن. وزگە ءۇش ادام جەڭىل جاراقاتپەن قۇتىلدى. قازىر وسى دەرەك بويىنشا ءىس قوزعالىپ، تەرگەۋ باستالدى.
