Jambyl oblysyndaǵy kásiporynda eki jumysshyny fosfor untaqtaıtyn qondyrǵy týrap tastady, dep habarlaıdy «Adyrna» tilshisi «KTK» arnasyna silteme jasap.
Sumdyq oqıǵa «Qazfosfat» serikitestiginiń Sarysý aýdanyndaǵy bólimshesinde boldy. «Qarataý ken óndirý» kombınatyndaǵy fosfor untaqtaıtyn qondyrǵyny jóndeý kezinde ol iske qosylyp ketken. Ishinde bes adam bolypty.
35 jáne 28 jastaǵy eki qyzmetker sol jerde jan tapsyrdy. Beıresmı málimetterge súıensek, qurylǵy ekeýiniń denesin keskilep, bólshektep tastaǵan.
Qaza tapqandar dánekerleýshi jáne slesar bolyp jumys istegen eken. Ózge úsh adam jeńil jaraqatpen qutyldy. Qazir osy derek boıynsha is qozǵalyp, tergeý bastaldy.
