«استانا-كەراميكا» كىرپىش زاۋىتىنىڭ ماڭىندا 46 جاستاعى ەر ادام توققا ءتۇسىپ، كوز جۇمدى. بۇل تۋرالى اقمولا وبلىستىق پوليتسيا دەپارتامەنتى ءباسپاسوز قىزمەتى حابارلادى، دەپ جازادى "ادىرنا" ۇلتتىق پورتالى.
«شىلدەنىڭ 1-ىندە تسەلينوگراد اۋداندىق پوليتسيا بولىمىنە جەدەل جاردەم ستانتسياسىنىڭ فەلدشەرى حابارلاسىپ، «استانا-كەراميكا» كىرپىش زاۋىتىنىڭ ماڭىندا جۇك اۆتوكولىگىمەن جۇمىس ىستەۋ كەزىندە 1976 جىلعى ەر ادامنىڭ توق سوعىپ، كوز جۇمعانىن ايتتى»، - دەلىنگەن حابارلامادا.قازىرگى كەزدە وسى وقيعاعا بايلانىستى تەكسەرۋ جۇرگىزىلىپ، وقيعانىڭ ءمان-جايى انىقتالۋدا.
"ادىرنا" ۇلتتىق پورتالى
