قر ءسىم قاراقالپاقستانداعى جاعدايعا قاتىستى مالىمدەمە جاسادى

2310
Adyrna.kz Telegram

قر سىرتقى ىستەر مينيسترىلىگى قاراقالپاقستانداعى جاعدايعا قاتىستى مالىمدەمە جاسادى، دەپ جازادى "ادىرنا" ۇلتتىق پورتالى. 

«وزبەكستان – قازاقستان ءۇشىن باۋىرلاس مەملەكەت، سەنىمدى وداقتاس جانە ستراتەگيالىق سەرىكتەس. سوندىقتان قازاقستاندا سوڭعى كۇندەرى وزبەكستان رەسپۋبليكاسىندا ورىن العان وقيعالاردى الاڭداۋشىلىقپەن قابىلدادى. وزبەكستان باسشىلىعىنىڭ قاراقالپاقستان رەسپۋبليكاسىنداعى جاعدايدى تۇراقتاندىرۋ بويىنشا شەشىمدەرىن قۇپتايمىز ءارى قولدايمىز. باۋىرلاس وزبەكستاندا اسا ماڭىزدى ساياسي وقيعا – كونستيتۋتسياعا تۇزەتۋلەر جونىندەگى رەفەرەندۋم قارساڭىندا – بەيبىتشىلىك پەن تىنىشتىق ورنىعاتىنىنا سەنىمدىمىز. قازاقستان وزبەكستامەن 1998 جىلعى 31 قازانداعى ماڭگىلىك دوستىق تۋرالى شارت، 2013 جىلعى 14 ماۋسىمداعى ستراتەگيالىق ارىپتەستىك تۋرالى شارت جانە 2021 جىلعى 6 جەلتوقسانداعى وداقتاستىق قاتىناستار تۋرالى دەكلاراتسيا رۋحىنداعى كوپسالالى ىنتىماقتاستىقتى دامىتۋ مەن نىعايتۋ باعىتىنا بەكەم»، - دەلىنگەن رەسمي مالىمدەمەدە.

"ادىرنا" ۇلتتىق پورتالى

 

پىكىرلەر