اقتوبە وبلىسىنا قاراستى تەمىر قالاسىنىڭ اكىمى ەركىن دالماعامبەتوۆ وزىنە قول جۇمسادى دەگەن اقپارات تارادى. بۇل تۋرالى orda.kz جازدى، دەپ حابارلايدى «ادىرنا» ءتىلشىسى.
شەنەۋنىكتىڭ دەنەسى 20 جەلتوقسان كۇنى كەشكى ساعات توعىزدار شاماسىندا ۇيىنەن تابىلعان. مارقۇم 46 جاستا بولعان.
بەيرەسمي مالىمەتكە سايكەس، سول كۇنى ول دوستارىمەن كەزدەسكەن. قايعىلى جاعدايدى اۋداندىق اكىمدىك راستادى.
«مارقۇمنىڭ دەنەسى ۇيىنەن تابىلدى. قازىر جان-جاقتى تەكسەرۋ جۇرگىزىلىپ جاتىر. ارتىندا بالالارى قالدى»، — دەدى تەمىر اۋدانىنىڭ اكىمى الماس جاقسىلىقوۆ.
ەركىن دالماعامبەتوۆ تەمىر قالاسىنىڭ اكىمى قىزمەتىنە وتكەن جىلدىڭ ماۋسىم ايىندا تاعايىندالعان. بۇعان دەيىن مەملەكەتتىك قىزمەتتە ءتۇرلى لاۋازىمداردا جۇمىس ىستەگەن.
اقتوبە وبلىستىق پوليتسيا دەپارتامەنتى وقيعانىڭ ءمان-جايى انىقتالىپ جاتقانىن، تەرگەۋ ءجۇرىپ جاتقانىن حابارلادى. قوسىمشا اقپارات جاريالانبايدى.
ايتا كەتەيىك، بۇعان دەيىن اقتوبە وبلىسىنىڭ العا اۋدانىندا بەستاماق اۋىلىنىڭ اكىمى قانات داۋلەتالين وزىنە قول جۇمساماق بولعانى حابارلانعان ەدى.
