بۇعان دەيىن قارقارالى اۋدانىنىڭ اكىمى قىزمەتىن اتقارعان ەرلان قۇسايىن قاراعاندى وبلىسى اكىمىنىڭ جاڭا ورىنباسارى بولىپ تاعايىندالدى، - دەپ حابارلايدى "ادىرنا" ءتىلشىسى.
«ەرلان قۇسايىن ءبىلىم، مادەنيەت، سپورت، جاستار جانە ىشكى ساياسات ماسەلەلەرىن قاداعالايتىن بولادى، ول بۇرىنعى دەپۋتات ەربول الىقۇلوۆتىڭ ورنىنا كەلدى»، - دەپ حابارلادى قاراعاندى وبلىسى اكىمدىگىنىڭ ءباسپاسوز قىزمەتى.
ەرلان قۇسايىننىڭ ءۇش جوعارى ءبىلىمى بار، بوكەتوۆ اتىنداعى قاراعاندى مەملەكەتتىك ۋنيۆەرسيتەتىن «قازاق ءتىلى مەن ادەبيەتى ءپانىنىڭ مۇعالىمى» ماماندىعى بويىنشا، قازتۇتىنۋ وداعى قاراعاندى ەكونوميكالىق ۋنيۆەرسيتەتىن «ەكونوميكا سالاسىنداعى قۇقىقتىق رەتتەۋ» ماماندىعى بويىنشا جانە پرەزيدەنت جانىنداعى مەملەكەتتىك باسقارۋ اكادەمياسىنىڭ ماگيسترى.
ەڭبەك جولىن 1999 جىلى قازاق ءتىلى مۇعالىمى بولىپ باستاعان. 2007 جىلدان باستاپ مەملەكەتتىك قىزمەتتە. قاراعاندى وبلىسىنىڭ كاسىپكەرلىك جانە ونەركاسىپ باسقارماسىنىڭ قارجى، ۇيىمداستىرۋ جانە كادر جۇمىسى ءبولىمىنىڭ باس مامانى قىزمەتىن اتقارعان.
2008-2014 جىلدار ارالىعىندا قاراعاندى وبلىسى اكىمىنىڭ ءباسپاسوز قىزمەتىندە ءتۇرلى قىزمەتتەردى اتقارعان.
بۇقار جىراۋ اۋدانى اكىمىنىڭ ورىنباسارى قىزمەتىن اتقارعان. قاراعاندى وبلىسى اكىمىنىڭ قازاقستان حالقى اسسامبلەياسى حاتشىلىعىن باسقاردى. قاراعاندى وبلىسى اكىمى اپپاراتىنىڭ «قوعامدىق كەلىسىم» كوممۋنالدىق مەملەكەتتىك مەكەمەسىنىڭ ديرەكتورى، ىشكى ساياسات ءبولىمىنىڭ باسشىسى بولدى.
2022 جىلدىڭ ءساۋىر ايىنان بەرى قارقارالى اۋدانىنىڭ اكىمى بولىپ قىزمەت ەتتى.