ايدا تۋلەەۆا اقتاۋ قالاسى اكىمىنىڭ ورىنباسارى بولىپ تاعايىندالدى. بۇل تۋرالى اكىمدىكتىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
ول بۇعان دەيىن ماڭعىستاۋ وبلىسى اكىمى اپپاراتى باسشىسىنىڭ ورىنباسارى قىزمەتىن اتقارعان.
ايدا ساداتقىزىنىڭ مەملەكەتتىك باسقارۋ، جۋرناليستيكا جانە قوعامدىق كوممۋنيكاتسيالار سالالارىندا مول تاجىريبەسى بار. ماسكەۋ پوليتەحنيكالىق ۋنيۆەرسيتەتىنىڭ ءباسپاسوز جانە مەديايندۋستريا جوعارى مەكتەبىن «جۋرناليستيكا» ماماندىعى بويىنشا بىتىرگەن. سونىمەن قاتار «قۇقىقتانۋ» ماماندىعى بويىنشا جوعارى ءبىلىم العان.
ەڭبەك جولىن 2015 جىلى «قازاقستان» رەسپۋبليكالىق تەلەراديوكورپوراتسياسى» اق-نىڭ ماڭعىستاۋ وبلىستىق فيليالىندا باستاعان. ءار جىلدارى رەداكتور، رەداكتور-جۇرگىزۋشى جانە رەداكتور-تالداۋشى بولىپ جۇمىس ىستەگەن. سونداي-اق رەسپۋبليكالىق باسىلىمداردىڭ مەنشىكتى ءتىلشىسى جانە ماڭعىستاۋ وبلىسى اكىمىنىڭ ءباسپاسوز قىزمەتىنىڭ قىزمەتكەرى بولعان.
2021 جىلدان باستاپ ماڭعىستاۋ وبلىسى اكىمى اپپاراتىندا وڭىرلىك دامۋ مەن تالداۋ باعىتىندا ەڭبەك ەتكەن. سول جىلدىڭ جەلتوقسانىندا ماڭعىستاۋ وبلىسىنىڭ قوعامدىق كوممۋنيكاتسيا ورتالىعىنىڭ ديرەكتورى بولىپ تاعايىندالىپ، بۇل قىزمەتتى 2025 جىلعى ناۋرىزعا دەيىن اتقارعان.
كەيىن اقتاۋ قالاسىنىڭ جەرگىلىكتى اتقارۋشى ورگاندارىندا قىزمەتىن جالعاستىرعان. ال 2025 جىلعى قازاننان باستاپ ماڭعىستاۋ وبلىسى اكىمى اپپاراتى باسشىسىنىڭ ورىنباسارى لاۋازىمىندا جۇمىس ىستەگەن.
