Aida Tuleeva Aqtau qalasy äkımınıŋ orynbasary bolyp taǧaiyndaldy. Būl turaly äkımdıktıŋ baspasöz qyzmetı jazdy, dep habarlaidy «Adyrna» tılşısı.
Ol būǧan deiın Maŋǧystau oblysy äkımı apparaty basşysynyŋ orynbasary qyzmetın atqarǧan.
Aida Sadatqyzynyŋ memlekettık basqaru, jurnalistika jäne qoǧamdyq kommunikasiialar salalarynda mol täjıribesı bar. Mäskeu politehnikalyq universitetınıŋ Baspasöz jäne mediaindustriia joǧary mektebın «Jurnalistika» mamandyǧy boiynşa bıtırgen. Sonymen qatar «Qūqyqtanu» mamandyǧy boiynşa joǧary bılım alǧan.
Eŋbek jolyn 2015 jyly «Qazaqstan» respublikalyq teleradiokorporasiiasy» AQ-nyŋ Maŋǧystau oblystyq filialynda bastaǧan. Är jyldary redaktor, redaktor-jürgızuşı jäne redaktor-taldauşy bolyp jūmys ıstegen. Sondai-aq respublikalyq basylymdardyŋ menşıktı tılşısı jäne Maŋǧystau oblysy äkımınıŋ baspasöz qyzmetınıŋ qyzmetkerı bolǧan.
2021 jyldan bastap Maŋǧystau oblysy äkımı apparatynda öŋırlık damu men taldau baǧytynda eŋbek etken. Sol jyldyŋ jeltoqsanynda Maŋǧystau oblysynyŋ Qoǧamdyq kommunikasiia ortalyǧynyŋ direktory bolyp taǧaiyndalyp, būl qyzmettı 2025 jylǧy nauryzǧa deiın atqarǧan.
Keiın Aqtau qalasynyŋ jergılıktı atqaruşy organdarynda qyzmetın jalǧastyrǧan. Al 2025 jylǧy qazannan bastap Maŋǧystau oblysy äkımı apparaty basşysynyŋ orynbasary lauazymynda jūmys ıstegen.
