Buǵan deıin Qarqaraly aýdanynyń ákimi qyzmetin atqarǵan Erlan Qusaıyn Qaraǵandy oblysy ákiminiń jańa orynbasary bolyp taǵaıyndaldy, - dep habarlaıdy "Adyrna" tilshisi.
«Erlan Qusaıyn bilim, mádenıet, sport, jastar jáne ishki saıasat máselelerin qadaǵalaıtyn bolady, ol burynǵy depýtat Erbol Áliqulovtyń ornyna keldi», - dep habarlady Qaraǵandy oblysy ákimdiginiń baspasóz qyzmeti.
Erlan Qusaıynnyń úsh joǵary bilimi bar, Bóketov atyndaǵy Qaraǵandy memlekettik ýnıversıtetin «qazaq tili men ádebıeti pániniń muǵalimi» mamandyǵy boıynsha, Qaztutyný odaǵy Qaraǵandy ekonomıkalyq ýnıversıtetin «ekonomıka salasyndaǵy quqyqtyq retteý» mamandyǵy boıynsha jáne Prezıdent janyndaǵy Memlekettik basqarý akademııasynyń magıstri.
Eńbek jolyn 1999 jyly qazaq tili muǵalimi bolyp bastaǵan. 2007 jyldan bastap memlekettik qyzmette. Qaraǵandy oblysynyń kásipkerlik jáne ónerkásip basqarmasynyń qarjy, uıymdastyrý jáne kadr jumysy bóliminiń bas mamany qyzmetin atqarǵan.
2008-2014 jyldar aralyǵynda Qaraǵandy oblysy ákiminiń baspasóz qyzmetinde túrli qyzmetterdi atqarǵan.
Buqar jyraý aýdany ákiminiń orynbasary qyzmetin atqarǵan. Qaraǵandy oblysy ákiminiń Qazaqstan halqy Assambleıasy hatshylyǵyn basqardy. Qaraǵandy oblysy ákimi apparatynyń «Qoǵamdyq kelisim» kommýnaldyq memlekettik mekemesiniń dırektory, ishki saıasat bóliminiń basshysy boldy.
2022 jyldyń sáýir aıynan beri Qarqaraly aýdanynyń ákimi bolyp qyzmet etti.