قازاقستان شەكاراسىنان 15 شاقىرىم جەردە ورالدىڭ رەسەي ايماعىندا بوگەت بۇزىلدى

ورىنبور وبلىسىنداعى ورسك قالاسىندا (جايىق وزەنىنىڭ بويىندا قازاقستان شەكاراسىنان 15 شاقىرىم جەردە ورنالاسقان – دەرەك) بوگەت قيرادى، دەپ حابارلايدى "ادىرنا" ۇلتتىق پورتالى.  «ورسك قالاسىندا بوگەت بۇزىلدى. سۋ تاسقىنى ايماعىندا ورنالاسقان ۇيلەردەن قالا تۇرعىندارى ەۆاكۋاتسيالانۋدا»، - دەپ حابارلادى جۇما كۇنى رەسەيلىك توتەنشە جاعدايلار قىزمەتىنىڭ وكىلدەرى. جەدەل قىزمەتتەر 4 مىڭعا جۋىق جەكە تۇرعىن ءۇي سۋ باسۋ ايماعىندا قالۋى مۇمكىن ەكەنىن ايتتى. سول ۇيلەردە جالپى العاندا 10 مىڭعا جۋىق ادام تۇرادى. «ەسكى قالادا بوگەتتىڭ ءبىر بولىگى بۇزىلدى»، - دەپ ءتۇسىندىردى ورىنبور وبلىسىنىڭ ۇكىمەتى. ەسكى ورسك اۋماعىنان كوشىرۋ ءۇشىن التى ۋاقىتشا ورنالاستىرۋ پۋنكتى دايىندالدى. ازىرگە قر توتەنشە جاعداي مينيسترلىگى اتالمىش ايماقتاعى جايتقا قاتىستى مالىمدەمە جاسامادى.