قازاقستاندىق ايەلدەر زەينەت جاسىن تومەندەتۋدى تالاپ ەتۋدە. بۇل جولى ەلىمىزدىڭ تۇكپىر-تۇكپىرىنەن كەلگەن بەلسەندىلەر ەڭبەك جانە حالىقتى الەۋمەتتىك قورعاۋ مينيسترلىگى عيماراتىنىڭ جانىنا جينالدى، دەپ حابارلايدى ”ادىرنا” پورتالى كتك ارناسىنا سىلتەمە جاساپ.
قازاقستاندىق ايەلدەر تالابى ەلەۋسىز قالسا، ولار توتەنشە شارا قولدانۋعا دايىن. دەپارتامەنتتىڭ كىرەبەرىسىندە اشتىق جاريالاماق.
ايەلدەرمەن پرەمەر-ءمينيستردىڭ ورىنباسارى ەرالى توعجانوۆپەن ونلاين كەڭەس وتكىزدى. سودان سوڭ ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ايەلدەردى جەكە قابىلداۋعا ۋادە بەردى. بەلسەندىلەردىڭ ايتۋىنشا، ولاردى ەلىمىزدىڭ تۇكپىر-تۇكپىرىنەن 1,5 ميلليوننان استام ايەل قولداپ وتىر. بۇلار كاسىپوداق وكىلدەرى مەن پەتيتسياعا قول قويعاندار.
ەسكە سالساق، بۇل تاقىرىپ ۇكىمەتتە بۇرىن دا كوتەرىلگەن بولاتىن. قازىر قازاقستاندا ايەلدەردىڭ زەينەتكەرلىك جاسى بىرتىندەپ ۇلعايىپ جاتىر. 2027 جىلعا قاراي ايەلدەر دە ەرلەر سياقتى 63 جاستا زەينەتكە شىعۋى كەرەك.
ء“بىز مەملەكەت، بيلىككە سالماقتى شەشىم قابىلداۋدى ۇسىنامىز. ەگەر ادام ءارتۇرلى جاعدايلارعا بايلانىستى - دەنساۋلىعىنا بايلانىستى جۇمىس ىستەي الماسا، جۇمىس تابا الماسا 58 جاستان باستاپ زەينەتكەرلىككە شىعارۋىن سۇرايمىز.
مەملەكەت ءۇشىن بۇل جەردە ءتيىمدىسى ەرەسەكتەردىڭ ورنىنا جاستارجۇمىسقا ورنالاسادى. ءبىز جۇمىسسىزدىق ماسەلەسىن شەشۋگە تىرىسىپ جاتىرمىز”، – دەيدى قوعام قايراتكەرى مارينا باچاەۆا.
“ادىرنا” ۇلتتىق پورتالى
