Qazaqstandyq áıelder zeınet jasyn tómendetýdi talap etýde. Bul joly elimizdiń túkpir-túkpirinen kelgen belsendiler Eńbek jáne halyqty áleýmettik qorǵaý mınıstrligi ǵımaratynyń janyna jınaldy, dep habarlaıdy ”Adyrna” portaly KTK arnasyna silteme jasap.
Qazaqstandyq áıelder talaby eleýsiz qalsa, olar tótenshe shara qoldanýǵa daıyn. Departamenttiń kireberisinde ashtyq jarııalamaq.
Áıeldermen premer-mınıstrdiń orynbasary Eraly Toǵjanovpen onlaın keńes ótkizdi. Sodan soń Eńbek jáne halyqty áleýmettik qorǵaý mınıstri Tamara Dúısenova áıelderdi jeke qabyldaýǵa ýáde berdi. Belsendilerdiń aıtýynsha, olardy elimizdiń túkpir-túkpirinen 1,5 mıllıonnan astam áıel qoldap otyr. Bular kásipodaq ókilderi men petıııaǵa qol qoıǵandar.
Eske salsaq, bul taqyryp úkimette buryn da kóterilgen bolatyn. Qazir Qazaqstanda áıelderdiń zeınetkerlik jasy birtindep ulǵaıyp jatyr. 2027 jylǵa qaraı áıelder de erler sııaqty 63 jasta zeınetke shyǵýy kerek.
“Biz memleket, bılikke salmaqty sheshim qabyldaýdy usynamyz. Eger adam ártúrli jaǵdaılarǵa baılanysty - densaýlyǵyna baılanysty jumys isteı almasa, jumys taba almasa 58 jastan bastap zeınetkerlikke shyǵarýyn suraımyz.
Memleket úshin bul jerde tıimdisi eresekterdiń ornyna jastarjumysqa ornalasady. Biz jumyssyzdyq máselesin sheshýge tyrysyp jatyrmyz”, – deıdi Qoǵam qaıratkeri Marına Bachaeva.
“Adyrna” ulttyq portaly
