ەۋرازيالىق بانك وكىلدەرى بونۋستىق باعدارلاما شەڭبەرىندە قانشا اقشا تۇسەتىنىن ايتىپ بەردى، دەپ جازادى "ادىرنا" ۇلتتىق پورتالى.
وزگەنىڭ ەسەبىنەن ءومىر سۇرۋگە بولا ما؟
مۇنداي پالساپالىق سۇراقتىڭ جاۋابى باياعىدا-اق بەرىلىپ قويعان: ەكىنشى دەڭگەيلى بانكتەردە بونۋستىق باعدارلامالار ەسەبىنەن ءسىز جۇمسالعان قاراجاتتىڭ جارتىسىن قايتارىپ الىپ، ونى باسقا زاتتاردى ساتىپ الۋعا جۇمساي الاسىز. ال تۇسەتىن قاراجاتتىڭ كولەمى شارتتى جانە ول بانك شارتتارىنا بايلانىستى بولادى. ەۋرازيالىق بانكتىڭ كليەنتتەرى مەن كليەنتى بولعىسى كەلەتىندەرگە بونۋستىق باعدارلامادان قالاي بارىنشا پايدا تابۋعا بولاتىنى جونىندە كادەگە جارار كەڭەس بەرەمىز.
ءسىز بۇل تۋرالى بىلەسىز بە؟
بانك قولدانۋشىلارىنىڭ ىشىندە بونۋستىق باعدارلاما شارتتتارىن بۇگە-شۇگەسىنە دەيىن بىلەتىندەرى نەكەن-ساياق. ادەتتە ادامدار بونۋستاردى ماقساتتى تۇردە ەمەس، ادەت بويىنشا جينايدى. الايدا باعدارلاما بارىنشا پايدالى بولۋ ءۇشىن شارتتارىن ءبىلۋ كەرەك.
№1 كەڭەس. بانكتىڭ سايتىندا نەمەسە ءموبيلدى قوسىمشادا بونۋستىق باعدارلاما بويىنشا نۇسقاۋلىقتى وقىڭىز.
ەۋرازيالىق بانكتىڭ بونۋستىق باعدارلاماسىنىڭ قاتىسۋشىسى بولۋ ءۇشىن وندا جەكە تۇلعانىڭ كارتاسى بولعانى ءجون نەمەسە ونى اشۋ كەرەك. سونىمەن بىرگە ول كارتا ارقىلى 500 تەڭگەدەن جوعارى سوماعا ءبىر زات ساتىپ الۋ قاجەت. زاتتىڭ باعاسىنىڭ ءبىر بولىگى بونۋس تۇرىندە ارنايى شوتقا تۇسەدى. بۇل شوت "بونۋستىق" دەپ اتالادى جانە ءبىر كليەنتكە وندا قانشا تولەم كارتاسى بار بولسا دا، ول ينتەرنەت-بانكينگكە ءموبيلدى قوسىمشا نەمەسە سايت ارقىلى قوسىلعان كەزدە اۆتوماتتى تۇردە بىرەۋ عانا اشىلادى. ال بىزدە مۇنداي ينتەرنەت-بانكينگ Smartbank دەپ اتالادى. وعان تىركەلگەننەن كەيىن العاشقى ساتىپالۋدان كەيىن بىردەن 500 بونۋس تۇسەدى.
مۇددەڭىزدى جوعارى قويىڭىز
ءار ادام ءوزىنىڭ نە قالايتىنىن بىلەدى نەمەسە شامالاپ سەزەدى. ال بانك پايدالانۋشىلاردىڭ مۇنداي قىزىعۋشىلىقتارىن ساناتتارعا ءبولىپ، ولار بويىنشا جوعارى سوماداعى بونۋستار سىيلاپ، ىنتالاندىرادى.
№2 كەڭەس. ءوز ينتەرنەت-بانكينگىڭىزدەگى ساناتتار باپتاۋلارىن تەكسەرىڭىز.
Smartbank-تەگى ساناتتار سانى جەتەۋ، ولاردىڭ ىشىنەن بىرەۋىن تاڭداپ الۋعا بولادى. كەپىلدەندىرىلگەن بونۋس كارتانىڭ تۇرىنە قاراي 0,5-1%-دى قۇرايدى. ماسەلەن Premium كارتالارىندا ولار 1,5%-عا، "پريۆات" كارتاسىندا 2%-عا تەڭ.
ساناتتار بويىنشا 30%-عا دەيىن بونۋس تۇسەدى، قوسىمشا سمارتفون ارقىلى تولەم جاساعانى ءۇشىن 2% جانە retail-ترانزاكتسيالارعا (كليەنت دەپوزيتىندەگى قالعان قالدىق سوماسىنا بايلانىستى) 2% تۇسەدى.
مىناداي ساناتتار بويىنشا تاڭداۋ جاساۋعا بولادى:
- مەكەمەلەر (مەيرامحانالار، بارلار، كافەلەر);
- ازىق-تۇلىكتەر (سۋپەرماركەتتەر، تاماق ونىمدەرى);
- ساياحات (اۋەبيلەتتەرى، مەيمانحانالار، قوناقۇيلەر);
- اۆتو (اقس، تقو، تۇراقتار، اۆتوبولشەكتەر ساتاتىن دۇكەندەر، تاكسي);
- كيىم-كەشەك (ايەلدەر، ەرلەر، بالالار) جانە اكسەسسۋارلار;
- مەديتسينا ء(دارىحانالار مەن مەديتسينالىق قىزمەتتەر);
- كوڭىل كوتەرۋ (كينوتەاترلار، گالەرەيالار، تەاترلار، اتتراكتسيوندار، ۆيدەوويىن كلۋبتارى، تسيركتەر، زووساياباق جانە ت.ب.).
ەۋرازيالىق بانك قوسىمشاسىنداعى 30%-عا دەيىن بونۋس بەرىلەتىن "كوڭىل كوتەرۋ" ساناتى اۆتوماتتى تۇردە قوسىلادى.
ونى "اۆتوكارتا" جانە "ەكوكارتانى" ساناماعاندا ايىنا ءبىر رەت تەگىن وزگەرتۋگە بولادى. بۇدان بولەك كارتا تۇرلەرى بويىنشا دا ايرىقشا شارتتار بار.
مىسالى "اۆتوكارتا" بويىنشا 500 تەڭگەدەن كوپ سوماعا زات ساتىپ الساڭىز ءسىز:
- كەپىلدەندىرىلگەن +1 % بونۋس ;
- Apple Pay, Samsung رay, Google Pay تولەمدەرى ءۇشىن +1% بونۋس;
- "اۆتو" ساناتى بويىنشا تولەم جاساعان كەزدە +4% بونۋس;
- eubank.onetwotrip.com سەرىكتەس سايتىنداعى قوناقۇيلەردى برونداعانىڭىز ءۇشىن +8%-عا دەيىن بونۋس;
- eurasia36.kz سايتىنداعى جانە "ەۆرازيا" ساقتاندىرۋ كومپانياسىنىڭ ساۋدا نۇكتەلەرىندەگى ساتىپالۋلار ءۇشىن بانك بونۋستارىمەن بىرگە +5% ، سونداي-اق ساقتاندىرۋ ءپوليسىن ونلاين ساتىپ العان جاعدايدا +10%;
- retail-ترانزاكتسيالار جاساعان كەزدە +2% بونۋس الاسىز.
بارلىعى: "اۆتوكارتا" بويىنشا 34%-عا دەيىن بونۋس. قوسىمشا "ەۆرازيا" ساقتاندىرۋ كومپانياسىنان 10%-دىق جەڭىلدىك پەن 10 ليتر بەنزين، "ەۆرازيا" ءومىردى ساقتاندىرۋ كومپانياسىنان ساقتاندىرۋ ءپوليسىن تولەگەن جاعدايدا 50% جەڭىلدىك الاسىز.
"ەكوكارتا" بويىنشا بەرىلەتىن بونۋس 32,5%-دى قۇرايدى، Gold كارتاسى بويىنشا – 35% جانە بولىمشەدەن جاڭا جالاقى كارتاسىن العان سوڭ العاشقى ءۇش ايداعى ساتىپالۋلار ءۇشىن ەكى ەسەلەنگەن كەپىلدەندىرىلگەن بونۋستار الاسىز. Premium كارتاسى بويىنشا دا 36% جانە ءدال وسىنداي ەكى ەسەلەنگەن بونۋستار، SmartCard بويىنشا – العاشقى ءۇش اي قولدانعانى ءۇشىن 37% بونۋس (جوعارى كەپىلدەندىرىلگەن بونۋس ەسەبىنەن 3% ), ودان كەيىن 35%.
بونۋستىق باعدارلامادان تۇسەتىن ماكسيمالدى پايدا - 37%. ونىڭ شارتتارىمەن بانك سايتىنان تولىق تانىسۋعا بولادى.
كوبىرەك بونۋستى قالاي جيناۋعا بولادى
ەڭ وڭاي ءتاسىل، تىپتەن وڭايدىڭ وڭايى - كارتانى قولدانۋ.
بۇل №3 كەڭەس. قولما-قول ەمەس، كارتا ارقىلى ءجيى تولەم جاساعان سايىن (كەز كەلگەن فورماتتا: ينتەرنەتتەگى ساتىپ الۋلار، pay-جۇيەلەر ارقىلى) كوبىرەك بونۋس تۇسەدى.
ەكىنشىدەن، سۇيىكتى ساناتتى الدىن الا جوسپارلاۋ. ماسەلەن، ەگەر الدا ساياحات كۇتىپ تۇرسا، وندا قوسىمشادا "ساياحاتتار" ساناتىن ورناتقان دۇرىس، دۇكەندە ساۋدا جاساعاندى ۇناتاتىندار "كيىم" ساناتىن تاڭداۋى كەرەك، قىدىرىمپاز جاندار "كوڭىل كوتەرۋ", ال ءدامدى تاماقتانعانداردى ۇناتاتىندار "مەكەمەلەر" ساناتىن تاڭداعانى ابزال.
ەۋرازيالىق بانكتەن جوعارى بونۋستاردى World Mastercard Black Edition, Visa Infinite نەمەسە Visa Platinum (36%-عا دەيىن) پرەميالدى كارتالارى ارقىلى ساۋدا جاساعان كەزدە الۋعا بولادى.
بۇدان بولەك بونۋستار قاي ۋاقىتتا جينالمايتىنىن دا بىلە جۇرگەن ءجون. مىناداي جاعدايدا بونۋس تۇسپەيدى:
- قولما-قول اقشانى شەشىپ العان كەزدە;
- جالاقى تۇسكەن كەزدە;
- ساتىپالۋ ءۇشىن اقشالاي قاراجاتتى قايتارىپ بەرگەن كەزدە;
- جول چەكتەرىن، كريپتو- نەمەسە وزگە دە ەلەكتروندى ۆاليۋتا ساتىپ العان جاعدايدا، e-ءاميانداردى تولىقتىرعان كەزدە;
- ستاۆكالاردى تولەگەن نەمەسە لوتورەيا بيلەتتەرىن ساتىپ العان جاعدايدا;
- ەدب-دەگى بورىشتى تولەگەن كەزدە نەمەسە كليەنت شوتى بۇعاتتالعان جاعدايدا;
- B2B بيزنەس-قىزمەتتەرى مەن سەرۆيستەرىن، جارنامالىق قىزمەتتەردى، سوت ورىنداۋشىلارىنىڭ قىزمەتتەرى نەمەسە باج سالىعىن تولەگەن جاعدايدا;
- تەلەكوممۋنيكاتسيالىق جابدىقتار، ونىڭ ىشىندە تەلەفون ساتىپ العان كەزدە;
- لومباردتاردا تولەم تولەگەن كەزدە.
قانشا بونۋس جيناعانىمدى قالاي بىلۋگە بولادى جانە ونى قالاي جۇمسايمىن؟
Smartbank-تەگى تەڭگەرىمدى "بونۋستار" بولىمىنەن تەكسەرۋگە بولادى. بونۋستاردى ءوز بانكىڭىزدىڭ ءموبيلدى قوسىمشاسى ارقىلى ادەپكى ساۋدا جاساۋ كەزىندە نەمەسە تكش، ۇيالى بايلانىس قىزمەتتەرىن تولەۋگە جۇمساي الاسىز. ەۋرازيالىق بانك كليەنتتەرى جينالعان قاراجاتتىڭ 100%-ىن پايدالانا الادى. بۇل ءۇشىن تولەمدى بونۋستارمەن تولەيتىنىن راستاۋ كەرەك. تولەم جاساۋ كەزىندە بونۋستار شەگەرىلەدى.
"ادىرنا" ۇلتتىق پورتالى
