شىمكەنتتە قىزعا پىشاقپەن شابۋىلداماق بولعان ەر ادام ۇستالدى، - دەپ حابارلايدى "ادىرنا" سايتى.
پوليتسيانىڭ مالىمەتىنشە، ول ءوز ۇيىندە جاسىرىنىپ جۇرگەن. بۇل 22 جاستاعى جىگىت بولىپ شىقتى. كۇدىكتى قىزعا قانداي ماقساتپەن شابۋىل جاساماق بولعانىن پوليتسەيلەر تەرگەۋ قۇپياسىن العا تارتىپ، اشىپ ايتپادى. تەك شابۋىل جاساعان ادامنىڭ قازىر پوليتسيا بولىمىندە ەكەنى بەلگىلى بولدى.
"پوليتسيا قىزمەتكەرلەرىنىڭ جەدەل ۇستاۋ جانە تاۋلىك بويى جۇرگىزىلگەن جەدەل-ىزدەستىرۋ جۇمىستارىنىڭ ناتيجەسىندە كۇدىكتى بەينەكامەرانىڭ كومەگىمەن انىقتالىپ، تۇرعىلىقتى جەرىندە ۇستالدى. بۇل وقيعا قك 293-بابى بويىنشا تىركەلدى. قر «بۇزاقىلىق» كودەكسى. قازىرگى ۋاقىتتا ۇستالعان ازاماتقا قاتىستى سوتقا دەيىنگى تەرگەۋ امالدارى جۇرگىزىلۋدە»، - دەپ حابارلادى شىمكەنت قدپ ءباسپاسوز قىزمەتىنەن.
ەگەر ونىڭ كىناسى دالەلدەنسە، جىگىت ەكى مىڭ اەك-كە دەيىنگى مولشەردە ايىپپۇل سالۋعا، نە سول مولشەردە تۇزەۋ جۇمىستارىنا، نە التى ءجۇز ساعاتقا دەيىن قوعامدىق جۇمىستارعا تارتۋعا، نە ەكى جىلعا دەيىن باس بوستاندىعىنان ايىرۋعا جازالانادى.
