نۇر-سۇلتاندا بانك قىزمەتكەرى 71 جاستاعى زەينەتكەردىڭ دەپوزيتتەگى شوتىنان التى ميلليون تەڭگە ۇرلادى. بۇل تۋرالى ەلوردالىق پوليتسيا دەپارتامەنتى مالىمدەدى، دەپ حابارلايدى “ادىرنا” ۇلتتىق پورتالى.
"قالا تۇرعىنى دەپوزيتىنەن اقشا جوعالىپ كەتكەنىن ايتىپ، پوليتسياعا جۇگىندى. زەينەتكەر بانككە اقشاسىن 2018 جىلى سالعانىن جانە ۇزاق ۋاقىت پايدالانباعان قارجىنى دەپوزيتىنەن شەشۋ ءۇشىن بانككە كەلگەنىن ايتتى. ول بانككە كەلگەنىندە شوتىندا جيناق جوق ەكەنىن ءبىلدى", - دەلىنگەن پوليتسيا حابارلاماسىندا.
پوليتسەيلەر اقشانىڭ جوعالۋىنا بانك قىزمەتكەرىنىڭ قاتىسى بارىن انىقتادى.
ول جابىرلەنۋشىنىڭ التى ميلليون تەڭگەسىن ءوزىنىڭ دوسىنىڭ شوتىنا اۋدارعانى، سودان كەيىن اقشانى شەشىپ العانى بەلگىلى بولدى.
ول قارجىنى ءوز قاجەتتىلىكتەرىنە جۇمساپ ۇلگەرگەن. ءبىر تاۋلىك ىشىندە پوليتسەيلەر كۇدىكتىنى انىقتاپ، ۇستادى.
23 جاستاعى كۇدىكتىگە قاتىستى قىلمىستىق كودەكستىڭ "ۇرلىق" بابى بويىنشا سوتقا دەيىنگى تەرگەۋ امالدارى جۇرگىزىلۋدە. ۇستالعان ازامات كىناسىن مويىندادى. ونىڭ ەلوردا اۋماعىندا جاسالعان باسقا دا وسىنداي قىلمىستارعا قاتىسى بار-جوعى انىقتالىپ جاتىر.
”ادىرنا” ۇلتتىق پورتالى
