Nūr-Sūltanda bank qyzmetkerı 71 jastaǧy zeinetkerdıŋ depozittegı şotynan alty million teŋge ūrlady. Būl turaly elordalyq polisiia departamentı mälımdedı, dep habarlaidy “Adyrna” ūlttyq portaly.
"Qala tūrǧyny depozitınen aqşa joǧalyp ketkenın aityp, polisiiaǧa jügındı. Zeinetker bankke aqşasyn 2018 jyly salǧanyn jäne ūzaq uaqyt paidalanbaǧan qarjyny depozitınen şeşu üşın bankke kelgenın aitty. Ol bankke kelgenınde şotynda jinaq joq ekenın bıldı", - delıngen polisiia habarlamasynda.
Poliseiler aqşanyŋ joǧaluyna bank qyzmetkerınıŋ qatysy baryn anyqtady.
Ol jäbırlenuşınıŋ alty million teŋgesın özınıŋ dosynyŋ şotyna audarǧany, sodan keiın aqşany şeşıp alǧany belgılı boldy.
Ol qarjyny öz qajettılıkterıne jūmsap ülgergen. Bır täulık ışınde poliseiler küdıktını anyqtap, ūstady.
23 jastaǧy küdıktıge qatysty Qylmystyq kodekstıŋ "Ūrlyq" baby boiynşa sotqa deiıngı tergeu amaldary jürgızılude. Ūstalǧan azamat kınäsın moiyndady. Onyŋ elorda aumaǧynda jasalǧan basqa da osyndai qylmystarǧa qatysy bar-joǧy anyqtalyp jatyr.
”Adyrna” ūlttyq portaly
