Nūr-Sūltandaǧy tūrǧyn üi keşenderınıŋ bırınde onynşy qabattan 4 jasar bala qūlap kettı, dep habarlaidy "Adyrna" ūlttyq portaly.
«Bügın näreste menıŋ köz aldymda saǧat 17.23-te qaitys boldy. Ol 10-şy qabattan ūşyp kettı, bar joǧy 3-4 jasta. Barlyq qyzmetterge qoŋyrau şalyndy, bıraq ülgere almadyq. Qaşan ata-analar terezelerın jauyp jüredı», dep jazdy Facebook qoldanuşysy öz paraqşasynda.Būl aqparat elordalyq PD-da rastaldy. «14 mamyrda saǧat 17.39-da 102 nömırıne, tūrǧyn üi keşenderınıŋ bırınde 2016 jyly tuylǧan bala 10-qabattaǧy terezeden qūlap kettı degen habarlama tüstı. Bala auyr jaraqattardan sol jerde qaitys boldy», dedı polisiia. Būl fakt Sotqa deiıngı tergeudıŋ bıryŋǧai tızılımınde tırkelgen. Jazataiym oqiǧalardyŋ aldyn alu üşın polisiia taǧy da ata-analaryna kışkentai balalardy qarausyz qaldyrmauǧa jäne terezedegı masa toryna senbeuge şaqyrdy. Taǧy bır apat 14 mamyrda Kökşetauda boldy. Abaisyzda, tereze janynda tūrǧan bır jasar qyz qūlap tüsıp, qaitys boldy. Polisiia atap ötkendei, jaz mezgılı bastalǧan kezde, päterlerdıŋ terezelerı aşyq bolyp, balalar ata-anasynyŋ qarauynsyz qalǧan kezde, balalar köpqabatty üilerdıŋ terezelerınen qūlap ketu mäselesı erekşe özektı bolyp otyr.
"Adyrna" ūlttyq portaly
Ūqsas jaŋalyqtar
