Nur-Sultandaǵy turǵyn úı keshenderiniń birinde onynshy qabattan 4 jasar bala qulap ketti, dep habarlaıdy "Adyrna" ulttyq portaly.
«Búgin náreste meniń kóz aldymda saǵat 17.23-te qaıtys boldy. Ol 10-shy qabattan ushyp ketti, bar joǵy 3-4 jasta. Barlyq qyzmetterge qońyraý shalyndy, biraq úlgere almadyq. Qashan ata-analar terezelerin jaýyp júredi», dep jazdy Facebook qoldanýshysy óz paraqshasynda.
Bul aqparat elordalyq PD-da rastaldy.
«14 mamyrda saǵat 17.39-da 102 nómirine, turǵyn úı keshenderiniń birinde 2016 jyly týylǵan bala 10-qabattaǵy terezeden qulap ketti degen habarlama tústi. Bala aýyr jaraqattardan sol jerde qaıtys boldy», dedi polıııa.
Bul fakt Sotqa deıingi tergeýdiń biryńǵaı tiziliminde tirkelgen. Jazataıym oqıǵalardyń aldyn alý úshin polıııa taǵy da ata-analaryna kishkentaı balalardy qaraýsyz qaldyrmaýǵa jáne terezedegi masa toryna senbeýge shaqyrdy.
Taǵy bir apat 14 mamyrda Kókshetaýda boldy. Abaısyzda, tereze janynda turǵan bir jasar qyz qulap túsip, qaıtys boldy.
Polıııa atap ótkendeı, jaz mezgili bastalǵan kezde, páterlerdiń terezeleri ashyq bolyp, balalar ata-anasynyń qaraýynsyz qalǵan kezde, balalar kópqabatty úılerdiń terezelerinen qulap ketý máselesi erekshe ózekti bolyp otyr.
"Adyrna" ulttyq portaly
