نۇر-سۇلتانداعى تۇرعىن ءۇي كەشەندەرىنىڭ بىرىندە ونىنشى قاباتتان 4 جاسار بالا قۇلاپ كەتتى، دەپ حابارلايدى "ادىرنا" ۇلتتىق پورتالى.
«بۇگىن نارەستە مەنىڭ كوز الدىمدا ساعات 17.23-تە قايتىس بولدى. ول 10-شى قاباتتان ۇشىپ كەتتى، بار جوعى 3-4 جاستا. بارلىق قىزمەتتەرگە قوڭىراۋ شالىندى، بىراق ۇلگەرە المادىق. قاشان اتا-انالار تەرەزەلەرىن جاۋىپ جۇرەدى»، دەپ جازدى Facebook قولدانۋشىسى ءوز پاراقشاسىندا.
بۇل اقپارات ەلوردالىق پد-دا راستالدى.
«14 مامىردا ساعات 17.39-دا 102 نومىرىنە، تۇرعىن ءۇي كەشەندەرىنىڭ بىرىندە 2016 جىلى تۋىلعان بالا 10-قاباتتاعى تەرەزەدەن قۇلاپ كەتتى دەگەن حابارلاما ءتۇستى. بالا اۋىر جاراقاتتاردان سول جەردە قايتىس بولدى»، دەدى پوليتسيا.
بۇل فاكت سوتقا دەيىنگى تەرگەۋدىڭ بىرىڭعاي تىزىلىمىندە تىركەلگەن. جازاتايىم وقيعالاردىڭ الدىن الۋ ءۇشىن پوليتسيا تاعى دا اتا-انالارىنا كىشكەنتاي بالالاردى قاراۋسىز قالدىرماۋعا جانە تەرەزەدەگى ماسا تورىنا سەنبەۋگە شاقىردى.
تاعى ءبىر اپات 14 مامىردا كوكشەتاۋدا بولدى. ابايسىزدا، تەرەزە جانىندا تۇرعان ءبىر جاسار قىز قۇلاپ ءتۇسىپ، قايتىس بولدى.
پوليتسيا اتاپ وتكەندەي، جاز مەزگىلى باستالعان كەزدە، پاتەرلەردىڭ تەرەزەلەرى اشىق بولىپ، بالالار اتا-اناسىنىڭ قاراۋىنسىز قالعان كەزدە، بالالار كوپقاباتتى ۇيلەردىڭ تەرەزەلەرىنەن قۇلاپ كەتۋ ماسەلەسى ەرەكشە وزەكتى بولىپ وتىر.
"ادىرنا" ۇلتتىق پورتالى
