ەلوردانىڭ قالالىق كولىك جانە جول-كولىك ينفراقۇرىلىمىن دامىتۋ باسقارماسى پوليتسيا دەپارتامەنتى اكىمشىلىك پوليتسيا باسقارماسىنىڭ كەلىسىمىمەن م-1 كوپىرىندە ورتاشا جوندەۋ جۇمىستارى باستالدى، دەپ حابارلايدى “ادىرنا” ۇلتتىق پورتالى.
نۇر-سۇلتان قالاسى اكىمدىگىنىڭ مالىمەتى بويىنشا، جوندەۋ جۇمىستارى 16 شىلدە – 15 تامىز ارالىعىندا جۇرگىزىلەدى. وسى ۋاقىتتا م-1 كوپىرىنىڭ باۋىرجان مومىشۇلى داڭعىلىنان باستاپ ماڭگىلىك ەل داڭعىلى – سارايشىق كوشەسى قيىلىسىنداعى كولىك ايىرىمىنا دەيىنگى بولىگى قوزعالىس ءۇشىن ءىشىنارا جابىلادى.
“ەلوردا تۇرعىندارى مەن قوناقتارى قالا جولدارىندا كەپتەلىس تۋدىرماۋ ءۇشىن قوزعالىس باعىتتارىن الدىن الا جوسپارلاۋى قاجەت. كەلتىرىلگەن قولايسىزدىقتار ءۇشىن كەشىرىم سۇرايمىز جانە جوندەۋ جۇمىستارىن جۇرگىزۋگە تۇسىنىستىكپەن قاراۋدى سۇرايمىز”، – دەلىنگەن باسقارمانىڭ حابارلاماسىندا.
”ادىرنا” ۇلتتىق پورتالى
