"وياناتىن ۋاقىتىمىز كەلدى! ءبىز بۇگىن جاۋلارىمىزدىڭ تىنىش جاتپايتىنىن كورىپ وتىرمىز. ولار ءبىزدىڭ جاستارىمىزعا وزدەرىنىڭ ورىنسىز قۇندىلىقتارىن ناسيحاتتاي ءجۇرىپ، ولاردى جولدان تايدىرىپ، ازعىرۋ جۇمىستارىن جۇرگىزۋدە". بۇل پىكىردى بەلگىلى پروديۋسەر نۇرتاس ادامباي ءوزىنىڭ فەيسبۋك پاراقشاسىندا جاريالادى، دەپ جازادى "ادىرنا" ۇلتتىق پورتالى.
ء"بىزدىڭ حالىققا وياناتىن ۋاقىت كەلدى! ءبىز شىن مانىندە ءوزىمىزدىڭ كىم ەكەنىمىزدى جانە ءبىزدىڭ اتا-بابالارىمىزدىڭ كىم بولعانىن ەسكە الاتىن كەز كەلدى! جاراتقان يەمىز بىزگە قانداي جەردى سەنىپ تاپسىردى؟ ءبىز بالالارىمىزعا نەنى ۇيرەتۋىمىز كەرەك؟ ولارعا قانداي ۇلگى كورسەتۋىمىز كەرەك؟ اللاھتىڭ قالاۋىمەن قاي جولدان ءجۇرىپ ءوتۋىمىز كەرەك! قۇدىرەتى شەكسىز جاراتۋشىنىڭ قالاۋىمەن، جەرىمىز بەن ۇرپاعىنىڭ بولاشاعىن قورعاۋ ءۇشىن ءوز ومىرلەرىن سارپ ەتكەن باتىرلارىمىزدىڭ داڭقى كەڭ دالامىزدا اسقاقتاۋدا. جاراتۋشىعا بويۇسىنىپ، شىدامدىلىق تانىتقان حالقىمىز ەڭ اۋىر سىناقتار مەن قيىنشىلىقتاردى باسىنان وتكەردى! وياناتىن ۋاقىتىمىز كەلدى! جاراتقانعا سەنىم ارتا وتىرىپ، ءبىز ءوز ءمانىمىزدى تاۋىپ، وزىمىزگە قايتا ورالۋىمىز كەرەك! ءبىز بۇگىن جاۋلارىمىزدىڭ تىنىش جاتپايتىنىن كورىپ وتىرمىز. ولار ءبىزدىڭ جاستارىمىزعا وزدەرىنىڭ ورىنسىز قۇندىلىقتارىن ناسيحاتتاي ءجۇرىپ، ولاردى جولدان تايدىرىپ، ازعىرۋ جۇمىستارىن جۇرگىزۋدە. ولار ازاماتتارىمىزدىڭ ليبەرالدىق قۇندىلىقتارىن قورعايتىنداي كورىنىپ، قارانى اق دەپ الداۋ ارقىلى جانە وسىعان ءبىزدى سەندىرۋ ءۇشىن ۇلكەن كۇش سالىپ كەلەدى. الايدا، ولار ءبىر نارسەنى ەسكەرمەي وتىر. ەڭ ماڭىزدىسىن، ەسكەرمەي وتىر دەپ ايتۋعا بولادى. بىزبەن اللاھ بار دەگەندى! ول ارقاشان بىزبەن ەكەنىن! كيەلى قۇراندا جاراتۋشى «قيىندىقتان كەيىن، جەڭىلدىك كەلەدى» دەگەن. قيىنشىلىق زامان ارتتا قالدى. كەرەمەت باستامالارعا دايىندالۋىمىز كەرەك! ويان، قازاق!", - دەپ جازدى ول.
"ادىرنا" ۇلتتىق پورتالى
