مارقۇم التىناي مۇزداقباەۆانىڭ تۋىستارى مەن كورشىلەرى بۇعان دەيىن ونىڭ ولىمىنە ۋچاسكەلىك پوليتسيا قىزمەتكەرىن ايىپتاعان بولاتىن. ول جۇمىسىنان قۋىلدى، دەپ حابارلايدى "ادىرنا" پورتالى.
ايەل ورماندا جيدەك تەرۋ كەزىندە يىعىنا وق تيگەننەن العان جاراقاتىنان كەيىن قايتىس بولدى. زەينەتكەر سەرگەي لوسەنيا ابايسىزدا كىسى ءولتىردى دەگەن كۇدىكپەن ۇستالدى، بىراق مارقۇمنىڭ تۋىستارى مەن كورشىلەرى ونى ۋچاسكەلىك پوليتسيا قىزمەتكەرى قاباي التەەۆ اتتى دەپ كۇدىكتەنەدى. ادامدار اتىس كەزىندە ول ماس بولعان دەپ بولجايدى، ال لوسەنيا قىسىممەن قىلمىسىن مويىندادى. بۇگىن ۋچاسكەلىك پوليتسەي قىزمەتكەرىنىڭ جۇمىستان بوساتىلعانى بەلگىلى بولدى.
«جامبىل اۋداندىق بولىمشەسىنىڭ ۋچاسكەلىك پوليتسيا ينسپەكتورىنا قاتىستى جەرگىلىكتى پوليتسيا قىزمەتى دەپارتامەنتى وقو ءىىد ىشكى قاۋىپسىزدىك باسقارماسىمەن بىرلەسىپ قىزمەتتىك تەكسەرۋ جۇرگىزىپ، ناتيجەسىندە پ.ب. وقو قب تارتىپتىك كوميسسياسى، جامبىل اۋداندىق بولىمشەسىنىڭ ۋچاسكەلىك ينسپەكتورى 2022 جىلعى 19 شىلدەدە قىزمەتتىك ءتارتىپتى جانە مەملەكەتتىك قىزمەتشىلەردىڭ ادەپ كودەكسىنىڭ نورمالارىن بۇزعانى ءۇشىن ىشكى ىستەر ورگاندارىنان قىزمەتىنەن بوساتىلدى. قىلمىستىق ءىستى تەرگەۋ وقو قپ تەرگەۋ باسقارماسىنا بەرىلدى. - دەپ حابارلادى وقو ءىىد جەرگىلىكتى پوليتسيا قىزمەتى باسقارماسى.
سولتۇستىك قازاقستان وبلىسىنداعى باۋمانسكايا ستانساسىنىڭ 49 جاستاعى تۇرعىنى ورمانعا جيدەك تەرۋگە شىعىپ، مىلتىق وعىنان جاراقات العان. ول وتباسىنا تەلەفون سوعىپ، بولعان جاعدايدى ايتىپ ۇلگەردى. تۋىستارى بىردەن وعان اتتانىپ، فەلدشەردى شاقىرىپ، العاشقى مەديتسينالىق كومەك كورسەتىپ، جارالى ايەلدى اۋداندىق اۋرۋحاناعا جەتكىزدى. بىراق التىناي مۇزداقباەۆا جولدا قايتىس بولدى.
"ادىرنا" ۇلتتىق پورتالى
