Marqūm Altynai Mūzdaqbaevanyŋ tuystary men körşılerı būǧan deiın onyŋ ölımıne uchaskelık polisiia qyzmetkerın aiyptaǧan bolatyn. Ol jūmysynan quyldy, dep habarlaidy "Adyrna" portaly.
Äiel ormanda jidek teru kezınde iyǧyna oq tigennen alǧan jaraqatynan keiın qaitys boldy. Zeinetker Sergei Losenia abaisyzda kısı öltırdı degen küdıkpen ūstaldy, bıraq marqūmnyŋ tuystary men körşılerı ony uchaskelık polisiia qyzmetkerı Qabai Älteev atty dep küdıktenedı. Adamdar atys kezınde ol mas bolǧan dep boljaidy, al Losenia qysymmen qylmysyn moiyndady. Bügın uchaskelık polisei qyzmetkerınıŋ jūmystan bosatylǧany belgılı boldy.
«Jambyl audandyq bölımşesınıŋ uchaskelık polisiia inspektoryna qatysty Jergılıktı polisiia qyzmetı departamentı OQO IID Işkı qauıpsızdık basqarmasymen bırlesıp qyzmettık tekseru jürgızıp, nätijesınde P.B. OQO QB Tärtıptık komissiiasy, Jambyl audandyq bölımşesınıŋ uchaskelık inspektory 2022 jylǧy 19 şıldede qyzmettık tärtıptı jäne memlekettık qyzmetşılerdıŋ Ädep kodeksınıŋ normalaryn būzǧany üşın ışkı ıster organdarynan qyzmetınen bosatyldy. Qylmystyq ıstı tergeu OQO QP Tergeu basqarmasyna berıldı. - dep habarlady OQO IID Jergılıktı polisiia qyzmetı basqarmasy.Soltüstık Qazaqstan oblysyndaǧy Baumanskaia stansasynyŋ 49 jastaǧy tūrǧyny ormanǧa jidek teruge şyǧyp, myltyq oǧynan jaraqat alǧan. Ol otbasyna telefon soǧyp, bolǧan jaǧdaidy aityp ülgerdı. Tuystary bırden oǧan attanyp, feldşerdı şaqyryp, alǧaşqy medisinalyq kömek körsetıp, jaraly äieldı audandyq auruhanaǧa jetkızdı. Bıraq Altynai Mūzdaqbaeva jolda qaitys boldy.
"Adyrna" ūlttyq portaly
