قىز جىبەك پەن قوجانى سويلەتكەن اكتريساعا ەكەرتكىش تاقتا ورناتىلدى

قازاقتىڭ كەرەمەت اكتريساسى فاريدا ءشارىپوۆانىڭ تۇرعان ءۇيدىڭ قابىرعاسىنا ەسكەرتكىش تاقتا ورناتىلدى كسرو حالىق ءارتىسى، مەملەكەتتىك سىيلىقتاردىڭ لاۋرەاتى،پروفەسسور فاريدا ءشارىپوۆانىڭ 1971-2010 جىلدار ارالىعىندا تۇرعان الماتى قالاسىنداعى دوستىق پەن قابانباي باتىر كوشەوەرىنىڭ قيىلىسىندا ورنالاسقان كوپ قاباتتى ءۇي قابىرعاسىنا ەسكەرتكىش تاقتا ورناتىلدى. 01.08.2018 28 ەسكەرتكىش تاقتا م.اۋەزوۆ اتىن­داعى قازاق مەملەكەتتىك اكا­دەميالىق دراما تەاترىنىڭ ۇجى­مى مەن الماتى قالالىق اكىم­­دىگىنىڭ مۇرىندىق بولۋىمەن اشىلدى. ەسكەرتكىش تاقتا­نىڭ بەتىندەگى شىمىلدىقتى فا­ري­دا ءشارىپوۆانىڭ ساحنالاس ءارىپ­تەستەرى، ومىرلىك دوستارى قازاقستاننىڭ ەڭبەك ەرى، كسرو حالىق ءارتىسى ءاسانالى ءاشىمۇلى پەن قازاقستاننىڭ حالىق ءارتىسى، مەملەكەتتىك سىيلىقتىڭ لاۋرەاتى ءسابيت ورازباي ءتۇردى. – بۇگىن فاريداعا ەسكەرتكىش تاقتا اشىپ جاتىرمىز. قاپتالداس تۇرعان قوس ۇيدە ەكەۋمىز تالاي جىل كورشى بولدىق. فاريدامەن ستۋدەنت كەزىمىزدەن باستاپ كوپتەگەن سپەكتاكلدەردە سەرىكتەسىپ بىرگە وينادىق. بۇل ومىردەن وتكەنشە دوستىعىمىزعا قىلاۋ تۇسپەي، ادەمى جاراسىمىن تاپتى. فاريدا تاربيەسىمەن، تارتىبىمەن جاستارعا ۇلگى-ونەگە بولعان تالانتتى اك­تري­سا. بۇل ومىردە ماڭگىلىك ەشكىم جوق. فاريدانى ەرتە كەتتى دەپ ەسەپتەيمىز. ءالى ءبىراز رولدەر سومدايتىن ءمۇم­كىن­دىگى بار ەدى. بىراق تاعدىرى سو­لاي بولدى. مەملەكەتتىك سىي­لىقتىڭ لاۋرەاتى، كەڭەس ودا­عىنىڭ حالىق ارتىسىنە ەندى قالا اكىمدىگى الماتى كوشەلەرىنىڭ بىرىنە فاريدانىڭ ەسىمىن بەرۋى كەرەك. توپىراعى تورقا بولسىن! – دەدى كسرو حالىق ءارتىسى، تەاتر­دىڭ كوركەمدىك جەتەكشىسى ءاسانالى ءاشىمۇلى. فاريدا ءشارىپوۆا جارتى عا­سىر­دان استام ۋاقىت بويى م.اۋەزوۆ اتىنداعى قازاق اكا­دە­ميالىق دراما تەاترىندا ءۇز­دىك­­سىز ونەر كورسەتتى. ساحنادا قا­­زاق جانە الەم كلاسسيكتەرىنىڭ درا­مالىق تۋىندىلارىندا، وسى زا­مانعى قويىلىمداردا باستى ءرول­­دەردى شەبەرلىكپەن ورىنداپ، ۇلت­تىق تەاتر ونەرىنىڭ جاڭا سا­پا­لىق بيىككە كوتەرىلۋىنە ۇلكەن ۇلەس قوستى. – وكىنىشتىسى، فاريدا اپايدى قازىرگى جاستار بىلمەۋى ءمۇم­كىن. التىن داۋىس يەسى ەدى عوي! رە­جيس­سەر ابدوللا قارساق­ب­ا­ەۆتىڭ «مە­نىڭ اتىم قوجا» اتتى كينوسىن بارشامىز جاقسى بىلەمىز. وسى فيلمدەگى قوجانىڭ داۋ­ىسىن فاريدا اپاي ورىندايدى. مىنە، قاراڭىز، سودان-اق ونىڭ قانداي تالانتتى اكتريسا بول­عانىن باعامداۋعا بولادى. فاريدا اپايمەن ساحنادا بىرگە ءون­ەر كورسەتۋ ءبىز ءۇشىن ۇلكەن ماق­تانىش بولاتىن. «عاشىقسىز عا­سىر» دەگەن سپەكتاكلدە ول كىسى باس­تى رولدە وينادى. ال مەن ونىڭ دوسىن وينادىم. فاريدا اپايمەن ساحنالاس بولۋ وتە قيىن. ول كىسى جاي عانا كوز تاستاعاندا، كوزىنە قاراۋ مۇمكىن ەمەس ەدى! ىشكى قۋاتى عاجاپ بولاتىن. ساحنادا قاتار تۇرعاندا ىشتەي دىرىلدەپ تۇراتىن كۇندەرىمدى ءالى ۇمىتا قويعان جوقپىن. بىراق ءبارىبىر ول كىسىمەن ساحنادا بىرگە ويناۋ باقىت بولاتىن. قازاقتىڭ تالانتتى قىزىن ەسكە الىپ، ۇيىنە بەلگى تاق­تا ورناتىلىپ جاتقانىنا وتە قۋا­نىپ تۇرمىن. بۇل ءۇشىن تەاتر ۇجى­مىنا جانە قالانىڭ اكىمدىگىنە راح­مەت ايتقىم كەلەدى، – دەيدى قازاقستاننىڭ ەڭبەك سىڭىرگەن ءارتىسى، «قۇرمەت» وردەنىنىڭ يەگەرى عازيزا ابدىنابيەۆا. فاريدا ءشارىپوۆا كينو سالا­سىن­دا دا جەمىستى ەڭبەك ەتتى. ول ايگىلى رەجيسسەرلەر شاكەن ايمانوۆ، ءماجيت بەگالين، سۇل­تان قوجىقوۆ، ءازىربايجان ءمام­بە­توۆ، لەونيد اگرانوۆيچ ءتۇسىر­گەن كوپتەگەن تانىمال فيلمدەردە وينادى. دۋبلياج سالاسىنا دا كوپ ەڭبەك ءسىڭىردى. فاريدا ءشارىپوۆا ونەرلى جاس­تاردى تاربيەلەۋ ىسىنە جەتە كوڭىل ءبول­دى. ت.جۇرگەنوۆ اتىنداعى ونەر اكادەمياسىندا كورنەكتى اك­تەر ى.نوعايباەۆ ەكەۋىنىڭ شى­عار­­ماشىلىق شەبەرحاناسىندا شىڭدالعان جاستار بۇگىندە ەلى­مىزدىڭ تەاترلارىندا جەمىستى ەڭ­بەك ەتىپ ءجۇر. ەسكەرتكىش تاقتانىڭ اشى­لۋ سالتاناتىندا فاريدا ءشارى­پوۆانىڭ تۇرعان پاتەرىندە ۇرپاقتارى داستارقان جايدى. دەپ جازدى ايگۇل احانبايقىزى، «ەگەمەن قازاقستان» گازەتىندە.