Qazaqtyń keremet aktrısasy Farıda Sháripovanyń turǵan úıdiń qabyrǵasyna eskertkish taqta ornatyldy KSRO halyq ártisi, Memlekettik syılyqtardyń laýreaty,professor Farıda Sháripovanyń 1971-2010 jyldar aralyǵynda turǵan Almaty qalasyndaǵy Dostyq pen Qabanbaı batyr kósheoeriniń qıylysynda ornalasqan kóp qabatty úı qabyrǵasyna eskertkish taqta ornatyldy. 01.08.2018 28 Eskertkish taqta M.Áýezov atyndaǵy Qazaq memlekettik akademııalyq drama teatrynyń ujymy men Almaty qalalyq ákimdiginiń muryndyq bolýymen ashyldy. Eskertkish taqtanyń betindegi shymyldyqty Farıda Sháripovanyń sahnalas áriptesteri, ómirlik dostary Qazaqstannyń Eńbek Eri, KSRO halyq ártisi Asanáli Áshimuly pen Qazaqstannyń halyq ártisi, Memlekettik syılyqtyń laýreaty Sábıt Orazbaı túrdi. – Búgin Farıdaǵa eskertkish taqta ashyp jatyrmyz. Qaptaldas turǵan qos úıde ekeýmiz talaı jyl kórshi boldyq. Farıdamen stýdent kezimizden bastap kóptegen spektaklderde seriktesip birge oınadyq. Bul ómirden ótkenshe dostyǵymyzǵa qylaý túspeı, ádemi jarasymyn tapty. Farıda tárbıesimen, tártibimen jastarǵa úlgi-ónege bolǵan talantty aktrısa. Bul ómirde máńgilik eshkim joq. Farıdany erte ketti dep esepteımiz. Áli biraz rólder somdaıtyn múmkindigi bar edi. Biraq taǵdyry solaı boldy. Memlekettik syılyqtyń laýreaty, Keńes Odaǵynyń halyq ártisine endi qala ákimdigi Almaty kósheleriniń birine Farıdanyń esimin berýi kerek. Topyraǵy torqa bolsyn! – dedi KSRO halyq ártisi, teatrdyń kórkemdik jetekshisi Asanáli Áshimuly. Farıda Sháripova jarty ǵasyrdan astam ýaqyt boıy M.Áýezov atyndaǵy Qazaq akademııalyq drama teatrynda úzdiksiz óner kórsetti. Sahnada qazaq jáne álem klassıkteriniń dramalyq týyndylarynda, osy zamanǵy qoıylymdarda basty rólderdi sheberlikpen oryndap, ulttyq teatr óneriniń jańa sapalyq bıikke kóterilýine úlken úles qosty. – Ókinishtisi, Farıda apaıdy qazirgi jastar bilmeýi múmkin. Altyn daýys ıesi edi ǵoı! Rejısser Abdolla Qarsaqbaevtyń «Meniń atym Qoja» atty kınosyn barshamyz jaqsy bilemiz. Osy fılmdegi Qojanyń daýysyn Farıda apaı oryndaıdy. Mine, qarańyz, sodan-aq onyń qandaı talantty aktrısa bolǵanyn baǵamdaýǵa bolady. Farıda apaımen sahnada birge óner kórsetý biz úshin úlken maqtanysh bolatyn. «Ǵashyqsyz ǵasyr» degen spektaklde ol kisi basty rólde oınady. Al men onyń dosyn oınadym. Farıda apaımen sahnalas bolý óte qıyn. Ol kisi jaı ǵana kóz tastaǵanda, kózine qaraý múmkin emes edi! Ishki qýaty ǵajap bolatyn. Sahnada qatar turǵanda ishteı dirildep turatyn kúnderimdi áli umyta qoıǵan joqpyn. Biraq báribir ol kisimen sahnada birge oınaý baqyt bolatyn. Qazaqtyń talantty qyzyn eske alyp, úıine belgi taqta ornatylyp jatqanyna óte qýanyp turmyn. Bul úshin teatr ujymyna jáne qalanyń ákimdigine rahmet aıtqym keledi, – deıdi Qazaqstannyń eńbek sińirgen ártisi, «Qurmet» ordeniniń ıegeri Ǵazıza Ábdinábıeva. Farıda Sháripova kıno salasynda da jemisti eńbek etti. Ol áıgili rejısserler Sháken Aımanov, Májıt Begalın, Sultan Qojyqov, Ázirbaıjan Mámbetov, Leonıd Agranovıch túsirgen kóptegen tanymal fılmderde oınady. Dýblıaj salasyna da kóp eńbek sińirdi. Farıda Sháripova ónerli jastardy tárbıeleý isine jete kóńil bóldi. T.Júrgenov atyndaǵy óner akademııasynda kórnekti akter Y.Noǵaıbaev ekeýiniń shyǵarmashylyq sheberhanasynda shyńdalǵan jastar búginde elimizdiń teatrlarynda jemisti eńbek etip júr. Eskertkish taqtanyń ashylý saltanatynda Farıda Sháripovanyń turǵan páterinde urpaqtary dastarqan jaıdy. dep jazdy Aıgúl AHANBAIQYZY, «Egemen Qazaqstan» gazetinde.
Basqa materıaldar
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз