Qyz Jıbek pen Qojany söiletken aktrisaǧa ekertkış taqta ornatyldy

Qazaqtyŋ keremet aktrisasy Farida Şärıpovanyŋ tūrǧan üidıŋ qabyrǧasyna eskertkış taqta ornatyldy KSRO halyq ärtısı, Memlekettık syilyqtardyŋ laureaty,professor Farida Şärıpovanyŋ 1971-2010 jyldar aralyǧynda tūrǧan Almaty qalasyndaǧy Dostyq pen Qabanbai batyr köşeoerınıŋ qiylysynda ornalasqan köp qabatty üi qabyrǧasyna eskertkış taqta ornatyldy. 01.08.2018 28 Eskertkış taqta M.Äuezov atyn­daǧy Qazaq memlekettık aka­demiialyq drama teatrynyŋ ūjy­my men Almaty qalalyq äkım­­dıgınıŋ mūryndyq boluymen aşyldy. Eskertkış taqta­nyŋ betındegı şymyldyqty Fa­ri­da Şärıpovanyŋ sahnalas ärıp­testerı, ömırlık dostary Qazaqstannyŋ Eŋbek Erı, KSRO halyq ärtısı Asanälı Äşımūly pen Qazaqstannyŋ halyq ärtısı, Memlekettık syilyqtyŋ laureaty Säbit Orazbai türdı. – Bügın Faridaǧa eskertkış taqta aşyp jatyrmyz. Qaptaldas tūrǧan qos üide ekeumız talai jyl körşı boldyq. Faridamen student kezımızden bastap köptegen spektaklderde serıktesıp bırge oinadyq. Būl ömırden ötkenşe dostyǧymyzǧa qylau tüspei, ädemı jarasymyn tapty. Farida tärbiesımen, tärtıbımen jastarǧa ülgı-önege bolǧan talantty ak­tri­sa. Būl ömırde mäŋgılık eşkım joq. Faridany erte kettı dep esepteimız. Älı bıraz rölder somdaityn müm­kın­dıgı bar edı. Bıraq taǧdyry so­lai boldy. Memlekettık syi­lyqtyŋ laureaty, Keŋes Oda­ǧynyŋ halyq ärtısıne endı qala äkımdıgı Almaty köşelerınıŋ bırıne Faridanyŋ esımın beruı kerek. Topyraǧy torqa bolsyn! – dedı KSRO halyq ärtısı, teatr­dyŋ körkemdık jetekşısı Asanälı Äşımūly. Farida Şärıpova jarty ǧa­syr­dan astam uaqyt boiy M.Äuezov atyndaǧy Qazaq aka­de­miialyq drama teatrynda üz­dık­­sız öner körsettı. Sahnada qa­­zaq jäne älem klassikterınıŋ dra­malyq tuyndylarynda, osy za­manǧy qoiylymdarda basty röl­­derdı şeberlıkpen oryndap, ūlt­tyq teatr önerınıŋ jaŋa sa­pa­lyq biıkke köterıluıne ülken üles qosty. – Ökınıştısı, Farida apaidy qazırgı jastar bılmeuı müm­kın. Altyn dauys iesı edı ǧoi! Re­jis­ser Abdolla Qarsaq­b­a­evtyŋ «Me­nıŋ atym Qoja» atty kinosyn barşamyz jaqsy bılemız. Osy filmdegı Qojanyŋ dau­ysyn Farida apai oryndaidy. Mıne, qaraŋyz, sodan-aq onyŋ qandai talantty aktrisa bol­ǧanyn baǧamdauǧa bolady. Farida apaimen sahnada bırge ön­er körsetu bız üşın ülken maq­tanyş bolatyn. «Ǧaşyqsyz ǧa­syr» degen spektaklde ol kısı bas­ty rölde oinady. Al men onyŋ dosyn oinadym. Farida apaimen sahnalas bolu öte qiyn. Ol kısı jai ǧana köz tastaǧanda, közıne qarau mümkın emes edı! Işkı quaty ǧajap bolatyn. Sahnada qatar tūrǧanda ıştei dırıldep tūratyn künderımdı älı ūmyta qoiǧan joqpyn. Bıraq bärıbır ol kısımen sahnada bırge oinau baqyt bolatyn. Qazaqtyŋ talantty qyzyn eske alyp, üiıne belgı taq­ta ornatylyp jatqanyna öte qua­nyp tūrmyn. Būl üşın teatr ūjy­myna jäne qalanyŋ äkımdıgıne rah­met aitqym keledı, – deidı Qazaqstannyŋ eŋbek sıŋırgen ärtısı, «Qūrmet» ordenınıŋ iegerı Ǧaziza Äbdınäbieva. Farida Şärıpova kino sala­syn­da da jemıstı eŋbek ettı. Ol äigılı rejisserler Şäken Aimanov, Mäjit Begalin, Sūl­tan Qojyqov, Äzırbaijan Mäm­be­tov, Leonid Agranovich tüsır­gen köptegen tanymal filmderde oinady. Dubliaj salasyna da köp eŋbek sıŋırdı. Farida Şärıpova önerlı jas­tardy tärbieleu ısıne jete köŋıl böl­dı. T.Jürgenov atyndaǧy öner akademiiasynda körnektı ak­ter Y.Noǧaibaev ekeuınıŋ şy­ǧar­­maşylyq şeberhanasynda şyŋdalǧan jastar bügınde elı­mızdıŋ teatrlarynda jemıstı eŋ­bek etıp jür. Eskertkış taqtanyŋ aşy­lu saltanatynda Farida Şärı­povanyŋ tūrǧan päterınde ūrpaqtary dastarqan jaidy. dep jazdy Aigül AHANBAIQYZY, «Egemen Qazaqstan» gazetınde.