Aqtóbelik delegaııa Abaı jerine jol tartty

1601

 17-19 maýsym kúnderi Shyǵys Qazaqstan oblysy Abaı aýdanynda "Yrǵyzdan Yrǵyzbaıdyń eline" atty Aqtóbe oblysy Yrǵyz aýdanynyń mádenı kúnderi ótkiziledi. Osyǵan oraı búgin aqtóbelik delegaııa jolǵa shyqty dep habarlaıdy "Adyrna" ulttyq portalynyń tilshisi.

Aqtóbe oblysy ákimi Ońdasyn Orazalınniń qoldaýymen júzege asyrylǵan is-sharanyń maqsaty — óńirler arasyndaǵy ózara baılanysty nyǵaıtý, qazaqtan shyqqan uly tulǵalar men qasıetti mekenderdi nasıhattaý.

Atalǵan joba el táýelsizdiginiń 30 jyldyq mereıtoıyna oraı, sondaı-aq "Rýhanı jańǵyrý" baǵdarlamasy aıasynda uıymdastyrylyp otyr.

Ekspedıııanyń jolǵa shyǵýyna oraı ótkizilgen saltanatty sharada oblys ákiminiń keńesshisi Q.Bolysov, Yrǵyz aýdanynyń ákimi Á.Áýelbaev,  Yrǵyz aýdanynyń qurmetti azamaty N.Sársenbaıuly, t.b. delegaııa múshelerine sát-sapar tilep, seksenniń seńgirindegi aqsaqal Seıitqul Mahaev jolaýshylarǵa aq batasyn berdi.

Yrǵyzdan shyqqan ekspedıııa avtokólikpen Qostanaı, Qaraǵandy oblystary arqyly Yrǵyz-Torǵaı, Keńgir ózenderiniń boıymen júrip, Yrǵyzbaı Aıdosuly men inisi Torǵaı, aǵasy Keńgirbaı týǵan jerlerdi, ıaǵnı sol dáýirdegi Abaıdyń ata-babalary mekendegen jerlerdi aralaıdy. Sondaı-aq Semeı jerine baratyn ekinshi top búgin temir jol arqyly jolǵa shyǵady.

 — Ótken jyly uly Abaıdyń týǵanyna, sondaı-aq Yrǵyzdyń irgetasy qalanǵanǵanyna 175 jyl toldy. Indettiń órshýine baılanysty bul mereıtoılardy óz deńgeıinde atap ótýdiń múmkindigi bolmady. Degenmen rýhanı keńistigimizdi toltyratyn, jas urpaqqa tárbıelik mańyzy zor sharalar eshqashan toqtamaýy tıis. Sondyqtan búgingi epıdemıologııalyq ahýaldyń turaqtanyp kele jatqanyn eskere otyryp, osyndaı jobany qolǵa alyp otyrmyz. Delegaııa músheleriniń basym bóligi vakına alǵan, barlyq sharalar saqtyq talaptaryn qatań saqtaı otyryp ótkiziletin bolady, — deıdi uıymdastyrýshylar.

Aıta ketý kerek, Abaı jerine Aqtóbe oblysynan 50 shaqty adam barady. Olardyń quramynda Yrǵyzdan shyqqan oblysqa, aýdanǵa tanymal tulǵalar, qoǵam belsendileri, ónerpazdar jáne BAQ ókilderi bar.

"Adyrna" ulttyq portaly.

 

Pikirler
Redakııa tańdaýy