قازاقستاندا پايدالانىلمايتىن اۋىل شارۋاشىلىعى جەرلەرىن جاپپاي قايتارۋ جۇمىسى جالعاسىپ جاتىر، دەپ حابارلايدى «ادىرنا» ءتىلشىسى.
«قر اۋىل شارۋاشىلىعى مينيسترلىگىنىڭ كۇشىمەن 2022 جىلدىڭ 6 ايىندا 904 مىڭ گا پايدالانىلماعان نەمەسە زاڭنامانى بۇزا وتىرىپ بەرىلگەن جەر مەملەكەت پايداسىنا قايتارىلدى (2021 جىلى 430 مىڭ گا قايتارىلدى). بيىلعى جىلدىڭ سوڭىنا دەيىن تاعى 5 ملن گا پايدالانىلمايتىن اۋىل شارۋاشىلىعى جەرلەرىن قايتارۋ جوسپارلانىپ وتىر»،— دەلىنگەن حابارلامادا.مەملەكەت پايداسىنا قايتارىلعان جەرلەردى ودان ءارى اگرارلىق سەكتور وكىلدەرىنە تىكەلەي پايدالانۋعا بەرۋ ءۇشىن جەرگىلىكتى اتقارۋشى ورگاندار (اكىمدىكتەر ارقىلى) بولەدى.
