ەركىن تۇقىموۆ جاڭا قىزمەتكە تاعايىندالدى. بۇل تۋرالى بۇگىن، 16 ساۋىردە اقوردانىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
«مەملەكەت باسشىسىنىڭ وكىمىمەن قازاقستان رەسپۋبليكاسى سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى ەركىن ۆاليتحانۇلى تۇقىموۆ قازاقستان رەسپۋبليكاسى پرەزيدەنتىنىڭ اۋعانستان بويىنشا ارناۋلى وكىلى لاۋازىمىنا تاعايىندالدى»، - دەلىنگەن حابارلامادا.
بۇعان دەيىن ول قازاقستان رەسپۋبليكاسى پرەزيدەنتىنىڭ جانىنداعى قازاقستاننىڭ ستراتەگيالىق زەرتتەۋلەر ينستيتۋتىنىڭ ديرەكتورى لاۋازىمىن اتقارعان ەدى.
