اقش پرەزيدەنتى دونالد ترامپتىڭ اكىمشىلىگى تاعى 36 ەلدىڭ ازاماتىنا قۇراما شتاتتارعا كىرۋگە تىيىم سالۋى مۇمكىن. بۇل تۋرالى 15 ماۋسىمدا Reuters اگەنتتىگى جازدى، دەپ حابارلايدى «ادىرنا» ءتىلشىسى.
جاڭا شەكتەۋلەر افريكاداعى 25 ەلگە، سونىڭ ىشىندە مىسىر مەن دجيبۋتيگە، سونداي-اق ورتالىق ازيا مەن كاريب ايماعىنداعى مەملەكەتتەرگە اسەر ەتۋى مۇمكىن. بۇل ەلدەردىڭ ازاماتتارىنا اقش ۆيزاسى بەرىلمەيدى، سونىمەن قاتار باسقا دا شەكتەۋلەر ەنگىزىلۋى ىقتيمال.
شەتەلدىك باق-تىڭ مالىمەتىنشە، تىزىمگە ەنگەن مەملەكەتتەر اقش-تا كوشى-قون زاڭدارىن بۇزعان ازاماتتارىنا الىپ كەتۋگە كومەكتەسپەگەن. سونداي-اق كەيبىر ەلدىڭ ازاماتتارى اقش-تاعى لاڭكەستىك ارەكەتتەرگە قاتىسقان. ەندى بۇل ەلدەرگە تالاپتى ورىنداۋعا 60 كۇن بەرىلىپ وتىر.
بۇعان دەيىن دونالد ترامپ 12 ەلدىڭ ازاماتىنا ەلگە كىرۋگە تىيىم سالۋ تۋرالى جارلىققا قول قويعان ەدى. بۇل تىزىمگە اۋعانستان، ميانما، چاد، كونگو، ەكۆاتورلىق گۆينەيا، ەريترەيا، گايتي، يران، ليۆيا، سومالي، سۋدان جانە يەمەن كىردى.