پاكىستان بيلىگى اقش پرەزيدەنتى دونالد ترامپتى ۇندىستانمەن اراداعى قاقتىعىستى رەتتەۋدەگى دەلدالدىق قىزمەتى ءۇشىن 2026 جىلعى بەيبىتشىلىك جونىندەگى نوبەل سىيلىعىنا ۇسىندى، دەپ حابارلايدى "ادىرنا" ۇلتتىق پورتالى.
يسلامابادتىڭ مالىمدەۋىنشە، ءدال ترامپتىڭ ارالاسۋى ەكى يادرولىق دەرجاۆا اراسىنداعى شيەلەنىستى باسەڭدەتۋگە جانە ايماقتاعى تۇراقتىلىقتى ساقتاۋعا ىقپال ەتكەن.
«دونالد ترامپ ستراتەگيالىق كورەگەندىك پەن ديپلوماتيالىق دانالىق تانىتىپ، يسلامابادپەن دە، نيۋ-دەليمەن دە بايلانىس ورناتا ءبىلدى»، – دەلىنگەن پاكىستان ۇكىمەتىنىڭ ح (بۇرىنعى Twitter) پاراقشاسىندا.
ايتا كەتەيىك، ترامپ بۇعان دەيىن دە نوبەل سىيلىعىنا ۇسىنىلعان. 2021 جىلى ول سوڭعى 30 جىلدا جاڭا سوعىس باستاماعان العاشقى اقش پرەزيدەنتى رەتىندە كانديداتتار قاتارىنا ەنگەن ەدى.
اقش پرەزيدەنتى بۇل ۇسىنىسقا قاتىستى Truth Social پلاتفورماسىندا پىكىر ءبىلدىردى.
«مەن بۇل سىيلىققا ابدەن لايىقپىن، بىراق ونى ەشقاشان المايتىنىمدى بىلەمىن»، – دەپ جازدى.
