بەلگىلى كاسىپكەر قايرات بورانباەۆتىڭ اعاسى مۇرات بورانباەۆ قىلمىستىق جاۋاپكەرشىلىكتەن بوساتىلدى، دەپ حابارلايدى "ادىرنا" ۇلتتىق پورتالى.
قارجىلىق مونيتورينگ اگەنتتىگى كايرات بورانباەۆتىڭ اعاسى، كاسىپكەر مۇرات بورانباەۆتىڭ ۇستالعانىن راستاعانى تۋرالى اقپارات كەشە تاراعان ەدى.
الايدا باق بەتتەرىندە بۇگىن ونىڭ بوساتىلعانى ايتىلۋدا.
ول الماتىدا اقىلى اۆتوتۇراق جۇيەسىن ىسكە قوسۋ كەزىندە جاسالعان قارجىلىق ۇرلىق دەرەگى بويىنشا مەملەكەتكە كەلتىرىلگەن زالالدى تولىق وتەپ، قىلمىستىق جاۋاپكەرشىلىكتەن بوساتىلدى.
2024 جىلدىڭ جەلتوقسان ايىندا مۇرات بورانباەۆتىڭ ۇستالعانى تۋرالى اقپارات تاراعان بولاتىن.
وسىعان بايلانىستى باس پروكۋراتۋرا جانىنداعى مەملەكەتتىك اكتيۆتەردى قايتارۋ كوميتەتى رەسمي تۇسىنىكتەمە بەردى.
«2024 جىلعى 18 جەلتوقساندا بۇل قىلمىستىق ءىس باس پروكۋراتۋرانىڭ اكتيۆتەردى قايتارۋ كوميتەتىنىڭ وندىرىسىنە قابىلداندى. ىزدەۋدە جۇرگەن مۇرات بورانباەۆ ءوز ەركىمەن كەلىپ، ۇستالدى. ونىڭ ءوتىنىشى نەگىزىندە، قىلمىستىق-پروتسەستىك كودەكستىڭ 617-3-بابى جانە “مەملەكەتكە زاڭسىز الىنعان اكتيۆتەردى قايتارۋ تۋرالى” زاڭىنىڭ 25-بابىنا سايكەس، كىنانى مويىنداپ، زاڭسىز الىنعان اكتيۆتەردى قايتارۋ تۋرالى پروتسەستىك كەلىسىم جاسالدى»، – دەلىنگەن رەسمي مالىمدەمەدە.
2025 جىلعى 28 اقپاندا الماتى قالاسى المالى اۋداندىق سوتى بۇل كەلىسىمدى زاڭدى دەپ تانىپ، مۇرات بورانباەۆتى قىلمىستىق جاۋاپكەرشىلىكتەن بوساتتى. سونىمەن قاتار كەلتىرىلگەن زالالدىڭ تولىق وتەلگەنى حابارلاندى.
