استانادا جەڭىل موتورلى TL-2000 ۇشاعى قۇلاپ، ەكى ادام قازا تاپتى، دەپ حابارلايدى "ادىرنا" ۇلتتىق پورتالى.
قازاقستان رەسپۋبليكاسى كولىك مينيسترلىگىنىڭ ءباسپاسوز قىزمەتىنىڭ مالىمەتىنشە، اۋە اپاتى 22 ماۋسىم كۇنى ساعات 11:30 شاماسىندا جولامان اەرودرومى ماڭىندا ورىن العان.
«ۇشاق وقۋ-جاتتىعۋ رەيسىن ورىنداپ جاتقان. اۋە كەمەسى جەكەمەنشىك تۇلعاعا تيەسىلى. الدىن الا مالىمەت بويىنشا، بورتتا ەكى ەكيپاج مۇشەسى بولعان. وكىنىشكە قاراي، ەكەۋى دە قازا تاپتى»، – دەلىنگەن مينيسترلىك مالىمدەمەسىندە.
قازىرگى ۋاقىتتا وقيعانىڭ ءمان-جايىن انىقتاۋ ءۇشىن ارنايى كوميسسيا قۇرىلىپ، تەرگەۋ جۇمىستارى باستالدى. وقيعا ورنىنا كولىك مينيسترلىگىنە قاراستى كولىكتەگى اپاتتار مەن وقيعالاردى تەرگەۋ دەپارتامەنتىنىڭ ماماندارى جونەلتىلدى.
ۇقساس جاڭالىقتار
