بۇرىنعى سۋديا قارلىعاش تاتكەەۆاعا ىزدەۋ جاريالاندى. بۇل تۋرالى قۇقىقتىق ستاتيستيكا جانە ارنايى ەسەپكە الۋ ورگاندارىنىڭ رەسمي پورتالىندا جاريالانعان ىزدەۋ پاراعىندا كورسەتىلگەن، دەپ حابارلايدى «ادىرنا» ءتىلشىسى.
بۇعان دەيىن تاتكەەۆا بىرنەشە سوت ينستانتسيالارىندا سۋديا قىزمەتىن اتقارعان بولاتىن. اتاپ ايتقاندا، ول قاراعاندى وبلىستىق مامانداندىرىلعان اۋدانارالىق ەكونوميكالىق سوتىنىڭ سۋدياسى، سونداي-اق استانا قالاسىنىڭ سوتىندا جۇمىس ىستەگەن.
ازىرگە ەكس-سۋدياعا ىزدەۋ جاريالانۋ سەبەبى رەسمي تۇردە ناقتىلانباي وتىر.
ەسكە سالايىق، بۇعان دەيىن الماتىدا ەكس-سۋديا سۆەتلانا جولمانوۆانىڭ 10 جىلعا سوتتالعانىن جازعان ەدىك.
ۇقساس جاڭالىقتار
