23 ماۋسىم كۇنى كەشكە الماتى وبلىسىنداعى اقسەڭگەر-بۋرۋنداي ۋچاسكەسىندە پويىز ەكى ادامدى قاعىپ كەتتى. ولار رۇقسات ەتىلمەگەن جەردە جولدى كەسىپ ءوتىپ، لوكوموتيۆتىڭ سيگنالدارىنا جاۋاپ بەرمەگەن، دەپ حابارلايدى "ادىرنا".
"قازاقستان تەمىر جولى" ۇك" اق ءباسپاسوز قىزمەتى پويىز ءماشينيستىنىڭ شۇعىل تەجەۋدى جاساعانىن، الايدا قايعىلى وقيعانىڭ الدىن الۋ مۇمكىن بولماعانىن ءتۇسىندىردى.
"ولار لوكوموتيۆتەن كەلگەن سيگنالدارعا جاۋاپ بەرمەدى. اراقاشىقتىق از بولعاندىقتان سوقتىعىستىڭ الدىن الۋ مۇمكىن
ماماندار حالىققا تەمىرجولدا ءجۇرۋ ەرەجەلەرىن قاتاڭ ساقتاۋ كەرەكتىگىن تاعى دا ەسكە سالدى.
كولىكتەگى پوليتسيا باسقارماسىنىڭ ءباسپاسوز قىزمەتى الماتى-1 ستانساسىنداعى جەلىلىك پوليتسيا ءبولىمى بۇل وقيعا بويىنشا قر قىلمىستىق كودەكسىنىڭ 344-بابىنىڭ 3-بولىگى بويىنشا قىلمىستىق ءىس قوزعاعانىن قوستى.
قازاقستان رەسپۋبليكاسى قىلمىستىق-پروتسەستىك كودەكسىنىڭ 201-بابىنا سايكەس وزگە دە مالىمەتتەر جاريا ەتۋگە جاتپايدى.
