قازاقستاندا She’s Next باستاماسىنىڭ ءتورتىنشى تولقىنىنا ءوتىنىم قابىلداۋ باستالدى. بۇل جاھاندىق باستاما قازاقستانداعى ايەلدەردىڭ كاسىبىن قولداۋعا جانە دامىتۋعا باعىتتالعان. She’s Next جوباسى ەلىمىزدە Visa كومپانياسى مەن Halyk سەرىكتەستىگىمەن بىرلەسىپ جۇزەگە اسىرىلۋدا.
2021 جىلدان بەرى بۇل باعدارلاماعا قازاقستاننىڭ تۇكپىر-تۇكپىرىنەن 30 مىڭعا جۋىق ءىسىن جاڭا باستاعان جانە ءىسىن جۇرگىزىپ جۇرگەن كاسىپكەر ايەلدەر قاتىسىپ كەلەدى. الدىڭعى كەزەڭدەردىڭ جەڭىمپازدارى جالپى سوماسى 29 ميلليون تەڭگە كولەمىندە گرانتتارعا يە بولىپ، ءوز بيزنەستەرىن باستاپ قانا قويماي، جۇمىس ىستەپ تۇرعان جوبالارىن كەڭەيتۋگە مۇمكىندىك الدى.
ءوز ءىسىن باستاپ كەتكەن نەمەسە بولاشاقتا جەكە كاسىپ اشۋدى جوسپارلاپ جۇرگەن كەز كەلگەن ايەل وسى باستاماعا قاتىسا الادى. بيىل قاتىسۋ شارتى بۇرىنعىدان دا وڭايىراق. She’s Next پلاتفورماسىنا تىركەلىپ، بيزنەس-جوسپارى مەن قىسقاشا ۆيدەو تانىستىرىلىم جىبەرسە بولعانى.
"ايەلدەر كاسىپكەرلىگىن قولداۋ – بۇل تەك ەكونوميكالىق دامۋعا قوسقان ۇلەس قانا ەمەس، سونىمەن قاتار ادىلەتتى ءارى تۇراقتى قوعام قۇرۋ جولىنداعى ماڭىزدى قادام. Visa جانە Halyk جۇزەگە اسىرىپ وتىرعان She’s Next جوباسى وسى ۋاقىتقا دەيىن وتە جاقسى ناتيجەلەر كورسەتتى. وسى باستامانىڭ ءبىر بولىگى بولعانىمىزعا قۋانىشتىمىز. جاڭا كەزەڭ اياسىندا وڭىرلەر مەن مونوقالالارداعى كاسىپكەر ايەلدەرگە ەرەكشە نازار اۋدارىپ وتىرمىز. ياعني، كوبىنە وسىنداي قولداۋ باعدارلامالارىنان تىس قالىپ قويىپ جۇرگەن جاندارعا ارنالادى. ءبىلىم، مەنتورلىق قولداۋ مەن قارجىلىق رەسۋرستار ولارعا تەك ءوز كاسىبىن نىعايتىپ قانا قويماي، باسقا ايەلدەرگە دە العا ۇمتىلۋعا شابىت بەرەدى دەپ سەنەمىز. بۇل جاڭا بۋىن كوشباسشىلارىن قالىپتاستىرۋعا سەپ بولادى. ءوز كەزەگىندە بۇل قوعام مەن كاسىپ سالاسىن وزگەرتىپ، جەرگىلىكتى قاۋىمداستىقتى دامىتادى", – دەدى Halyk باسقارما ءتورايىمى ءۇمىت شاياحمەتوۆا.
ءوتىنىم 7 تامىزعا دەيىن قابىلدانادى. ساراپشىلار كوميسسياسىنىڭ ىرىكتەۋى ناتيجەسىندە كەلەسى كەزەڭگە وتكەن 30 ادام She’s Next Camp-كە قاتىسۋ مۇمكىندىگىن الادى. بۇل ەكى كۇندىك جابىق بيزنەس-ينتەنسيۆ الماتى قالاسىندا وتەدى. She’s Next Camp اياسىندا قاتىسۋشىلاردى قازاقستاندىق جەتەكشى ساراپشىلار وتكىزەتىن تاجىريبەلىك شەبەرلىك ساباعى، ءبىلىم بەرۋ سەسسيالارى مەن مەنتورلىق قولداۋ كۇتەدى. بۇل ءارى جوبالاردى قازىلار القاسىنىڭ الدىندا قورعاۋعا دايىندىق كەزەڭى بولماق. جەڭىمپازدار ءوز كاسىبىن قۇرۋعا نەمەسە دامىتۋعا ارنالعان اقشالاي گرانتتارعا يە بولادى.
جاڭا فورماتتان بولەك، بيىل She’s Next بيزنەس ساناتتارىن كەڭەيتىپ وتىر. بۇعان دەيىنگى "جاڭا باستالعان كاسىپ" پەن "قالىپتاسقان كاسىپ" ساناتتارى بولسا، ەندى وعان قوسىمشا رەتىندە جاڭا "IT-كاسىپ" ساناتى ەنگىزىلدى. بۇل – تەحنولوگيالىق باعىتتا بيزنەس جۇرگىزىپ جۇرگەن نەمەسە بولاشاقتا وسىنداي ءىستى اشۋدى ارماندايتىن كاسىپكەر ايەلدەرگە ارنالعان.
"ايەلدەر كاسىپكەرلىگىن قولداۋ – Visa كومپانياسىنىڭ نەگىزگى باعىتتارىنىڭ ءبىرى. ەلىمىزدە ايەلدەر ەكونوميكاعا بەلسەندى ارالاسىپ كەلە جاتقان كەزەڭدە She’s Next جاھاندىق باستاماسىنىڭ ءتورتىنشى تولقىنىن ىسكە قوسىپ وتىرعانىمىزعا قۋانىشتىمىز. She’s Next – بۇل تەك قارجىلاي كومەك قانا ەمەس، ءبىلىم، نەتۆوركينگ، شابىت پەن قولداۋ. وسى ارقىلى ايەلدەر ءوز ىستەرىن باستاۋعا جانە دامىتۋعا مۇمكىندىك الادى. جاڭا فورماتتىڭ كومەگىمەن ەكونوميكا مەن قوعامدى جاقسارتۋعا دايىن كوپتەگەن دارىندى كاسىپكەر ايەل وزدەرىن اشا تۇسەدى دەپ سەنەمىز", – دەدى Visa كومپانياسىنىڭ اعا ۆيتسە-پرەزيدەنتى، ۋكراينا، گرۋزيا، تمد ەلدەرى جانە وڭتۇستىك-شىعىس ەۋروپا بويىنشا وڭىرلىك مەنەدجەرى كريستينا دوروش.
She’s Next باستاماسى قاتارىنان ءۇشىنشى جىل جۇزەگە اسىرىلىپ كەلەدى. بۇل جولى دا ونى قازاقستان ايەلدەر كاسىپكەرلىگىنىڭ ۇلتتىق قاۋىمداستىعى "ASMAR" قولداپ وتىر.
اتالعان قاۋىمداستىق ەلىمىزدەگى ايەلدەر كاسىپكەرلىگىن دامىتۋعا ۇلەس قوسىپ، جەرگىلىكتى بيزنەس-قاۋىمداستىقتار قۇرۋعا، ايەلدەرگە ءبىلىم، مەنتورلىق جانە قارجىلاي قولداۋ كورسەتۋگە كومەكتەسىپ جاتىر.
"She’s Next – جاي عانا بايقاۋ ەمەس. ول اسىرەسە وڭىرلەر مەن مونوقالالارداعى مىڭداعان ايەلدەرگە ارنالعان ساناۋلى الەۋمەتتىك مۇمكىندىكتىڭ ءبىرى. اۋىل-ايماقتاعى كاسىپكەر ايەلدەردىڭ گرانت نەمەسە جەڭىلدەتىلگەن نەسيە ارقىلى ءوز ءىسىن باستاپ، كورشىلەرىنە جۇمىس ورىندارىن اشقانىن كورگەندە ەلىمىزدىڭ دامۋىنىڭ ناعىز كورىنىسى وسى دەگەن سەزىم پايدا بولادى. وسى باعدارلاما اياسىندا دۇنيەگە كەلگەن ءاربىر تابىستى تاريح وزگە ايەلدەردىڭ ساناسىنداعى كەدەرگىلەردى بۇزۋىنا كومەكتەسەدى. ۇلگى تۇتار تۇلعا قالىپتاستىرادى. ءبىزدىڭ مىندەتىمىز – وسىنداي تابىسقا جەتۋ ءتاسىلىن بۇكىل قازاقستانعا تاراتۋ", – دەدى "ASMAR" قازاقستان ايەلدەر كاسىپكەرلىگى ۇلتتىق قاۋىمداستىعى پرەزيديۋمىنىڭ ءتورايىمى، پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا توراعاسىنىڭ ورىنباسارى ءلاززات رامازانوۆا.
باعدارلامانىڭ ءتورتىنشى تولقىنىنا قاتىسۋ شارتتارى مەن كەزەڭدەر تۋرالى تولىق اقپارات تومەندە بەرىلگەن:
قاتىسۋشىلار ساناتتارى:
- "قالىپتاسقان كاسىپ";
- "جاڭا باستالعان كاسىپ";
- IT-كاسىپ.
جوبانىڭ كەزەڭدەرى
تىركەۋ. 23 ماۋسىم مەن 7 تامىز ارالىعىندا قازاقستانداعى كاسىپكەر ايەلدەر She’s Next پلاتفورماسىنا تىركەلىپ، باستاماعا قاتىسۋعا ءوتىنىم بەرە الادى.
بيزنەس-جوسپارلار مەن ۆيدەو تانىستىرىلىم. تىركەۋ اياقتالعان سوڭ 8 تامىزدان 22 تامىزعا دەيىن ءاربىر قاتىسۋشى ءوزىنىڭ بيزنەس-جوسپارىن جانە ۇزاقتىعى 2 مينۋتقا دەيىنگى ۆيدەو تانىستىرىلىمىن جۇكتەۋ مۇمكىندىگىنە يە بولادى. ۆيدەو تانىستىرىلىمدا كاسىپكەر ءوز جوباسى نەمەسە يدەياسى تۋرالى، ماقساتى مەن شابىتى جايىندا ايتىپ، نەلىكتەن ءدال ءوزى She’s Next Camp-كە لايىقتى ەكەنىن كورسەتۋى كەرەك.
كەلەسى كەزەڭگە وتەتىندەردى ىرىكتەۋ. 23 تامىز بەن 12 قىركۇيەك ارالىعىندا ساراپتامالىق كوميسسيا بارلىق بيزنەس-جوسپار مەن ۆيدەو تانىستىرىلىمدى قاراپ شىعىپ، باعالايدى. ناتيجەسىندە ءار سانات بويىنشا 10 قاتىسۋشىدان، جالپى 30 فيناليست انىقتالادى. ولار الماتى قالاسىندا وتەتىن She’s Next Camp-كە شاقىرىلادى.
She’s Next Camp. فينالدىق كەزەڭ – ەكى كۇندىك جابىق بيزنەس-ينتەنسيۆ. مۇندا قاتىسۋشىلار ارنايى ءبىلىم بەرۋ باعدارلاماسىنان ءوتىپ، ءوز جوبالارىن قورعاۋعا دايىندالادى.
ەكىنشى كۇنى قاتىسۋشىلار جوبالارىن قازىلار القاسىنىڭ الدىندا تانىستىرادى (پيتچينگ).
قورىتىندىسى بويىنشا 7 جەڭىمپاز انىقتالادى. "جاڭا باستالعان كاسىپ" – 3 جەڭىمپاز، "قالىپتاسقان كاسىپ" – 3 جەڭىمپاز جانە IT-كاسىپتەن – 1 جەڭىمپاز بولادى.
سىياقى قورى
"قالىپتاسقان كاسىپ" نوميناتسياسى:
1-ورىن – 5 000 000 تەڭگەلىك گرانت;
2-ورىن – 3 000 000 تەڭگەلىك گرانت;
3-ورىن – 2 000 000 تەڭگەلىك گرانت.
"جاڭا باستالعان كاسىپ" نوميناتسياسى:
1-ورىن – 3 000 000 تەڭگەلىك گرانت;
2-ورىن – 2 000 000 تەڭگەلىك گرانت;
3-ورىن – 1 000 000 تەڭگەلىك گرانت.
"IT-كاسىپ" نوميناتسياسى:
– 1 500 000 تەڭگە كولەمىندە گرانت;
سونىمەن قاتار جەڭىمپاز Visa-نىڭ دۋبايداعى يننوۆاتسيالىق ورتالىعىنا بارادى. بۇل جەردە بولاشاق تولەم جۇيەلەرىن دامىتاتىن جاڭا تەحنولوگيالارمەن تانىسۋ مۇمكىندىگى بەرىلەدى.
باستاماعا قاتىستى بارلىق جاڭالىقتار مەن كەزەڭدەر تۋرالى اقپارات رەسمي She’s Next Telegram-ارناسىندا، سونداي-اق Visa مەن Halyk-تىڭ الەۋمەتتىك جەلىلەرىندە جاريالانىپ وتىرادى.
Visa – تسيفرلىق تولەم يندۋسترياسىنىڭ جاھاندىق كوشباسشىسى. Visa 200-دەن استام ەل مەن ايماقتا تۇتىنۋشىلار، بيزنەس، قارجى جانە مەملەكەتتىك ۇيىمدار اراسىنداعى تولەم ترانزاكتسيالارىن وڭدەيدى. كومپانيانىڭ ماقساتى – قاۋىپسىز، سەنىمدى جانە يننوۆاتسيالىق تولەم جەلىسى ارقىلى الەمدى بىرىكتىرۋ جانە جاھاندىق ەكونوميكالىق ءال-اۋقاتقا ىقپال ەتۋ. تولىعىراق: visa.com.kz
Halyk – قازاقستانداعى ەڭ ءىرى جۇيە قۇراۋشى بانك. 2024 جىلعى 31 جەلتوقسانداعى جاعداي بويىنشا اكتيۆتەرى 18,6 تريلليون تەڭگەدەن اسادى. بانك 563 بولىمشە مەن فيليالدان تۇراتىن كەڭ اۋقىمدى جەلىگە يە. سونداي-اق گرۋزيا مەن وزبەكستاندا دا جۇمىس ىستەيدى. 2018 جىلدان بەرى Halyk ايەلدەر كاسىپكەرلىگىن بەلسەندى قولداپ كەلەدى. ءتۇرلى وڭىرلەردەن كەلگەن 600-دەن استام ايەلگە 7 ميلليارد تەڭگە كولەمىندە جەڭىلدەتىلگەن (6-8%) نەسيە بەرىلدى.
تولىعىراق: halykbank.kz
