شىمكەنتتە «جالىن» مەكتەبىنىڭ 11 سىنىپ وقۋشىسى بەرگەي ءومىرباي قارجى ماماندىعى بويىنشا الەمنىڭ 47 ۋنيۆەرسيتەتىنەن رەسمي شاقىرتۋ الدى. بۇل تۋرالى شىمكەنت قالالىق ءبىلىم باسقارماسى مالىمدەدى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، ۇسىنىلعان گرانتتار مەن ستيپەنديالاردىڭ جالپى قۇنى 979 000 دوللاردى قۇرادى.
بەرگەيدى شاقىرعان جوعارى وقۋ ورىندارىنىڭ قاتارىندا اقش، ەۋروپا جانە ازيانىڭ بىرقاتار بەدەلدى ۋنيۆەرسيتەتى بار. اتاپ ايتقاندا:
- اقش ۋنيۆەرسيتەتتەرى: DePaul University, Drexel University, Loyola University New Orleans, Florida Southern College, Susquehanna University, Whitworth University, Albion University, Canisius University, McKendree University جانە ت.ب.;
- ازيا ۋنيۆەرسيتەتى: Xiamen University (مالايزيا).
اكادەميالىق كورسەتكىشتەرى:
- IELTS – 6.5;
- SAT – 1290 بالل.
بەرگەيدىڭ سۇيىكتى پاندەرى – ماتەماتيكا جانە اعىلشىن ءتىلى. بۇل پاندەر ونىڭ لوگيكالىق جانە كوممۋنيكاتيۆتىك ويلاۋ قابىلەتىن دامىتتى، بولاشاق قارجى سالاسىنداعى مانسابىنا بەرىك نەگىز قالادى.
سونىمەن قاتار ول قىتاي جانە تۇرىك تىلدەرىن مەڭگەرىپ جاتىر، ءارتۇرلى مادەنيەتتەرگە قىزىعۋشىلىق تانىتىپ، ءوزىن جان-جاقتى دامىتىپ كەلەدى.
«بۇل جەتىستىگىمە مەكتەبىمنىڭ، ۇستازدارىمنىڭ جانە كاسىبي باعىت-باعدار بەرگەن مامانداردىڭ قوسقان ۇلەسى زور»، – دەيدى بەرگەي ءومىرباي.
