رەسەي پرەزيدەنتى ۆلاديمير پۋتين مەن اقش پرەزيدەنتى دونالد ترامپ تەلەفون ارقىلى اڭگىمەلەستى. بۇل تۋرالى بۇگىن، 3 شىلدەدە رەسەي پرەزيدەنتىنىڭ كومەكشىسى يۋري ۋشاكوۆ ايتتى، دەپ حابارلايدى «ادىرنا» ءتىلشىسى.
ول ءپۋتيننىڭ ءوز ارىپتەسىن ەرتەڭ اقش-تا اتالىپ وتەتىن تاۋەلسىزدىك كۇنىمەن قۇتتىقتاعانىن مالىمدەدى.
«ارينە، ۋكراينا ماسەلەسى دە تالقىلاندى. ترامپ اسكەري ءىس-قيمىلداردى تەزىرەك توقتاتۋ ماسەلەسىن تاعى كوتەردى. پۋتين قاقتىعىستى ساياسي جولمەن شەشۋگە كۇش سالىپ جاتقانىن ايتتى»، — دەدى ۋشاكوۆ.
سونداي-اق اڭگىمە بارىسىندا سيريا، يران جانە تاياۋ شىعىستاعى جاعداي دا ءسوز بولعان.
سوڭعى رەت پۋتين مەن ترامپ 14 ماۋسىمدا سويلەسكەن بولاتىن. اڭگىمە 50 مينۋتقا سوزىلعان.
ايتا كەتەيىك، بۇگىنگى اڭگىمەلەسۋ - ەكى ەل پرەزيدەنتىنىڭ جىل باسىنان بەرى التىنشى رەت سويلەسۋى.
اۆتورى: بەردىبەك راۋان ەرلانۇلى
