جەلىدە ازەربايجان رەسپۋبليكاسىنىڭ قورعانىس ءمينيسترى مەن سىرتقى ىستەر ءمينيسترىنىڭ اتىنان بەلارۋس ۇشاعىنىڭ رەسەي اۋە كەڭىستىگىندە اتىپ تۇسىرىلگەنى تۋرالى اقپارات تارادى. ەلدىڭ مەديا دامىتۋ اگەنتتىگى بۇل مالىمدەمەلەردىڭ شىندىققا جاناسپايتىنىن جەتكىزدى، دەپ حابارلايدى «ادىرنا» ءتىلشىسى.
اگەنتتىكتىڭ مالىمەتىنشە، جاساندى ينتەللەكت كومەگىمەن جاسالعان بۇل جالعان ۆيدەوماتەريالدار – قوعامدى اداستىرۋعا باعىتتالعان اقپاراتتىق مانيپۋلياتسيانىڭ ايقىن مىسالى.
بيلىك وكىلدەرى مۇنداي ارەكەتتەردەن ساق بولۋعا شاقىرىپ، جالعان اقپاراتتىڭ تارالۋىنا جول بەرمەۋگە ۇندەدى.
«قوعامدى تەك رەسمي دەرەككوزدەر تاراتقان اقپاراتقا سەنۋگە، سونداي-اق مەملەكەتتىڭ رەسمي ۇستانىمىن بىلدىرەتىن مالىمەتتەردى ەلدىڭ اقپارات اگەنتتىكتەرى مەن باسقا دا كاسىبي بۇقارالىق اقپارات قۇرالدارى ارقىلى الۋعا شاقىرامىز»،—دەلىنگەن حابارلامادا.
