قازاقستان ەكونوميكاسىن دامىتۋدا بازالىق ستسەناري شىندىققا جاقىنىراق. بۇل تۋرالى پرەمەر-مينيستر ولجاس بەكتەنوۆ ۇكىمەت وتىرىسىنان كەيىن ايتتى، دەپ حابارلايدى “ادىرنا”.
ء “بىزدىڭ باعالاۋىمىز بويىنشا، سالماقتى ساراپشىلاردىڭ كوبىنىڭ باعالاۋى بويىنشا تەڭگە باعامىنىڭ كۇرت السىرەۋىنە اكەلەتىن العىشارتتار جوق. بيۋدجەتكە قانداي پارامەترلەر ەنگىزىلگەن دەگەنگە كەلسەك، قازىر ءبىز بازالىق ستسەناريدى ۇستانىپ وتىرمىز. دوللار باعامى 540 تەڭگە، ءبىر باررەل مۇنايدىڭ باعاسى 60 دوللار دەپ بەلگىلەنگەن. پەسسيميستىك ستسەناري دە بار. ەگەر كەنەتتەن مۇناي باعاسى باررەلىنە 50 دوللارعا دەيىن تۇسسە، باسقا تەتىكتەر ىسكە
پرەمەر-مينيستر جۋرناليستەرگە كەنەت دەۆالۆاتسيا بولمايتىنىن سەنىمدى تۇردە ايتتى.
ء“بىز دەۆالۆاتسيا كۇتىپ وتىرعان جوقپىز. تەڭگە باعامىنىڭ كەنەت ءتۇسۋى بولمايدى”، - دەدى ۇكىمەت باسشىسى.
ايتا كەتسەك، بۇگىنگى ۇكىمەت وتىرىسىندا پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين ۇكىمەت وتىرىسىندا جىلدىڭ 6 ايىندا ەل ەكونوميكاسى 6,2 پايىز ءوسىم كورسەتكەنىن ءمالىم ەتكەن ەدى.
