بەلگىلى اقىن قازىبەك يسا الەۋمەتتىك جەلىدەگى پاراقشاسىندا يسرايل ساپاربايدىڭ قازاسى تۋرالى جازدى، دەپ حابارلايدى "ادىرنا" ۇلتتىق پورتالى.
"بيىلعى جىل اۋىر جىل بولدى. باسقالارىن ايتپاعاندا، ءوزىمىز ارالاسىپ، بىرگە جۇرگەن، اعالىق قامقورلىقتارىن سەزگەن قازاق ادەبيەتىنىڭ كلاسسيكتەرى دۋلات يسابەكوۆ، تەمىرحان مەدەتبەك، يسرايل ساپارباي ۇشەۋى دە كەلمەس ساپارعا اتتانىپ كەتتى… ءار جىلدارى تۋعان اعالارىمىز كەلىسىپ العانداي، ارالارىنا ەكى-ءۇش اي سالىپ، ءبىر جىلدا كەتىپ وتىر…
"قر پارلامەنتى ءماجىلىسى توراعاسى ەرلان قوشانوۆ تا يسرايل ساپاربايدىڭ دۇنيەدەن وتۋىنە بايلانىستى “اقىن اعامىز ءسوز ونەرىن بيىككە كوتەرگەن قارىمدى قالامگەر، دارىندى دراماتۋرگ، قالىڭ قازاققا كەڭ تانىمال تۇلعا بولاتىن. ونىڭ سىرشىل ولەڭدەرى، جۇرەكتەن شىققان، بىرنەشە بۋىن وقىرماننىڭ جۇرەگىنە جول تاپقان جىرلارى قازاق پوەزياسىنىڭ رۋحاني قازىناسىنا، درامالىق تۋىندىلارى ساحنا سانىنە اينالدى،-دەپ، اقىن شىعارماشىلىعىن جوعارى باعالاپ، كوڭىل ايتۋ جەدەلحاتىن جولدادى. اقىننىڭ قازاق پوەزياسىنىڭ اسىل قازىناسىنا قوسىلعان"اققۋ ارمان", "بارماقتاي باق", "ماحاببات پەن عاداۋات" سەكىلدى كوپتەگەن جىر كىتاپتارى وقىرمانعا جاقسى بەلگىلى.
