استانا قالاسىنداعى №58 مەكتەپتىڭ ديرەكتورى، جەلى قولدانۋشىلارى اراسىندا كەڭىنەن تانىمال بولعان اقمونشاق نۇرتازا Instagram پاراقشاسىندا كۇتپەگەن جازبا جاريالادى، دەپ حابارلايدى "ادىرنا" ۇلتتىق پورتالى.
ول جەلىدەگى جازباسىندا:
ء“بارىن توقتاتتىم. مەكتەپ، قىزمەت، الەۋمەتتىك جەلى. كەلەسى قادام بەلگىسىز", – دەلىنگەن.
بۇل جاڭالىق الەۋمەتتىك جەلىدە بىردەن قىزۋ تالقىلانىپ، ءتۇرلى پىكىرلەر پايدا بولدى. قولداۋشىلاردىڭ كوبى ونى ۇستاز رەتىندە باعالاپ، كەتپەۋىن ءوتىنىپ جاتسا، ەندى ءبىرى بولاشاقتا جاڭا قادام كۇتەتىنىن مەڭزەدى.
"دەپۋتات بولاسىز اۋ", ء"سىزدى كەرەمەت ديرەكتور دەپ ءجۇر ەدىك", "كۋرس ساتىپ، ينفوسىعان بولىپ كەتپەڭىز", "ديرەكتور بولعان سوڭ بالالارعا قاراپ ءجۇرۋ كەرەك قوي، ءان ايتپاي", ء"سىز بالالارعا كەرەكسىز، ديرەكتورلىقتان كەتپەڭىز" دەگەن سەكىلدى پىكىرلەر جەلىدە ءجيى كەزدەسەدى.
ازىرگە اقمونشاق نۇرتازا جازباعا قاتىستى ەشقانداي پىكىر بىلدىرمەدى.
ايتا كەتەيىك، اقمونشاق نۇرتازا بۇعان دەيىن دە جۇرتشىلىق نازارىن وزىنە اۋدارعان. ول 11-سىنىپتى تامامداعان تۇلەكتەرىمەن بىرگە ديماش قۇدايبەرگەننىڭ ورىنداۋىنداعى "تاۋ ىشىندە" انىنە ارنالعان چەللەندج جاساپ، ونىڭ ۆيدەوسى Instagram-دا 3,1 ميلليون قارالىم جيناعان.
بۇل ۆيدەو الماتىدا وتكەن ديماشتىڭ كونتسەرتىندە ساحنادان كورسەتىلىپ، ءانشىنىڭ اناسى سۆەتلانا ايتباەۆا ديرەكتورعا كونتسەرتكە ارنايى بيلەت سىيلاعان بولاتىن.
