ۆيتسە-مينيستر سوربۇلاق سۋ قويماسى ماڭىندا جوعالعان EC-145 تىكۇشاعىن ىزدەستىرۋ-قۇتقارۋ جۇمىستارىنا قاتىستى بولجام جاسادى، دەپ حابارلايدى "ادىرنا" ۇلتتىق پورتالى.
بۇل تۋرالى قر توتەنشە جاعدايلار ۆيتسە-ءمينيسترى كەگەن تۇرسىنباەۆ ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا حابارلادى.
"قارۋلى كۇشتەردىڭ تىكۇشاعى جوعالعانى جونىندە حابارلاما تۇسكەن بويدا الماتى قالاسىنان تجم-ءنىڭ ەكى تىكۇشاعى ىزدەستىرۋ جۇمىستارىنا جۇمىلدىرىلدى. اۋماقتى شولۋ بارىسىندا تىكۇشاققا تيەسىلى بولۋى مۇمكىن بولشەكتەر تابىلدى. قازىرگى تاڭدا سوربۇلاق سۋ قويماسى ماڭىندا ىزدەستىرۋ جالعاسىپ جاتىر. نەگىزگى جۇمىستى قورعانىس مينيسترلىگى اتقارۋدا، ءبىز دە كومەكتەسىپ جاتىرمىز. الداعى 1-2 كۇندە تىكۇشاقتى تابامىز دەپ ۇمىتتەنەمىز", — دەدى ۆيتسە-مينيستر.
ەسكە سالايىق، 25 شىلدەدە الماتى وبلىسىندا جوسپارلى ۇشۋ كەزىندە قر قارۋلى كۇشتەرى اۋە قورعانىسى كۇشتەرىنىڭ EC-145 تىكۇشاعى راداردان جوعالىپ كەتكەن بولاتىن.
