«قازاقستان تاريحى: ەجەلگى داۋىردەن بۇگىنگە دەيىن» اتتى كوپتومدىق ەڭبەكتىڭ ءبىرىنشى تومىنىڭ قولجازباسى بەكىتىلىپ، باسىپ شىعارۋعا ازىرلەۋ جونىندە شەشىم قابىلداندى، دەپ حابارلايدى "ادىرنا" ۇلتتىق پورتالى.
مەملەكەتتىك كەڭەسشى ەرلان قارين جەلىدەگى پاراقشاسىندا قازاقستان تاريحىنىڭ اكادەميالىق باسىلىمىنا ارنالعان رەداكتسيالىق القانىڭ كەزەكتى وتىرىسى وتكەنىن جازدى.
جيىندا جالپى داۋىس بەرۋ ارقىلى ەل تاريحىنا قاتىستى ەڭبەكتىڭ العاشقى تومدىعى بەكىتىلگەنى حابارلاندى.
سونداي-اق تۇركى داۋىرىنە ارنالعان ەكىنشى تومنىڭ مازمۇنى تالقىلاندى. اۆتورلار ۇجىمىنىڭ جەتەكشىسى، تاريح عىلىمدارىنىڭ دوكتورى، اكادەميك بولات كومەكوۆ بايانداما جاساپ، نەگىزگى تۇجىرىمدار مەن عىلىمي ادىستەمەلەرگە توقتالدى.
جوباعا ەلىمىزدىڭ بەلگىلى تاريحشىلارى مەن عالىمدارى تارتىلعان. اتاپ ايتقاندا، تاريح عىلىمدارىنىڭ دوكتورلارى، اكادەميكتەر مامبەت قويگەلديەۆ، ورازاق سماعۇلوۆ، ەركىن ءابىل، ايبولات كوشكىمباەۆ، گالينا كسەنجيك ءوز رەتسەنزيالارىن ۇسىنىپ، ماڭىزدى عىلىمي پىكىرلەر ايتتى.
سونىمەن قاتار، جوبانىڭ رەداكتسيالىق القاسىنىڭ مۇشەلەرى مەرۋەرت ابۋسەيىتوۆا، بۇركىتباي اياعان، ايگۇل سادۋاقاسوۆا، جاقسىلىق ءسابيتوۆ، راديك تەمىرعاليەۆ، ديحان قامزابەكۇلى، اقان وڭعار، كۇلعازيرا بالتاباەۆا، نۇرسان ءالىمباي، زيابەك قابىلدينوۆ، جاكەن تايماعامبەتوۆ ءوز ويلارىن ورتاعا سالدى.
جيىن قورىتىندىسى بويىنشا، ەكىنشى تومدى جەتىلدىرۋ جۇمىستارىن جالعاستىرۋ ۇسىنىلدى. سونىمەن قاتار كەلەسى وتىرىستا ورتاعاسىرلىق كەزەڭگە ارنالعان ءۇشىنشى تومى قارالاتىن بولدى.
