فوتو: اقوردا
قازاقستان اسكەري-اۋە كۇشتەرىنىڭ پاركى قىتايدا جاسالعان جاڭا ۇشاقپەن تولىقتى، دەپ حابارلايدى “ادىرنا”.
الماتىعا Y-9E اسكەري-كولىك ۇشاعى جەتكىزىلدى.
ۇشاق اسكەري اۋە پاركىن جاڭعىرتۋ باعدارلاماسى اياسىندا ەلگە جەتكىزىلگەن.
Y-9E اسكەري قىزمەتشىلەردى، جۇك پەن اسكەري تەحنيكانى تاسىمالداۋعا ارنالعان. تەحنيكالىق سيپاتتامالارى بويىنشا ول قازاقستاننىڭ قولدانىسىنداعى C-295 جانە A400M ۇشاقتارىنىڭ اراسىنداعى ورىندى الادى.
بۇل – قازاقستاننىڭ اسكەري-اۋە كۇشتەرى قارۋلانۋىنا قابىلداعان العاشقى قىتاي ۇشاعى. ال ۇلتتىق ۇلاندا قىتايدا وندىرىلگەن Y-8 كولىك ۇشاقتارى بۇعان دەيىن دە پايدالانىلىپ كەلەدى.
ۇقساس جاڭالىقتار
