قىتايدا حالىقارالىق جىبەك ۇيىمى قۇرىلدى

150
Adyrna.kz Telegram
https://www.adyrna.kz/storage/uploads/2UiiYNQV5XnIklBNpO65cVC3EFImsoFsZe8CkZDO.jpg

فوتو: Russian.News.Cn

قىتايدا الەمدىك جىبەك ونەركاسىبىندەگى ىنتىماقتاستىقتى دامىتۋعا باعىتتالعان حالىقارالىق جىبەك ۇيىمى رەسمي تۇردە قۇرىلدى. بۇل – توقىما ونەركاسىبى سالاسىنداعى العاشقى حالىقارالىق عىلىمي-تەحنيكالىق ۇيىم، دەپ حابارلايدى «ادىرنا» ۇلتتىق پورتالى سينحۋا اگەنتتىگىنە سىلتەپ.

ۇيىم قىتايدىڭ باستاماسىمەن قۇرىلعان. ونىڭ نەگىزگى ماقساتى – جىبەك وندىرىسىمەن اينالىساتىن ەلدەر اراسىنداعى بايلانىستى نىعايتىپ، عىلىمي-تەحنيكالىق ىنتىماقتاستىقتى دامىتۋ.

قازىرگى ۋاقىتتا ۇيىم قۇرامىنا الەمنىڭ 20-دان استام ەلى مەن ايماعىنان 100-دەن اسا كومپانيا مۇشە بولعان. ولاردىڭ قاتارىندا جىبەك ءوندىرۋ جانە تۇتىنۋ بويىنشا جەتەكشى مەملەكەتتەردىڭ كاسىپورىندارى بار.

حالىقارالىق جىبەك ۇيىمى جاھاندىق ديالوگ پەن تاجىريبە الماسۋعا ارنالعان الاڭ رەتىندە جۇمىس ىستەيدى. سونىمەن قاتار دامۋشى جانە ەكونوميكاسى تومەن ەلدەردە جىبەك شارۋاشىلىعى مەن جىبەك توقۋ ءوندىرىسىن قولداۋعا باسىمدىق بەرمەك.

ايتا كەتەيىك، جىبەك ءوندىرىسى قىتايدىڭ مادەنيەتى مەن ەكونوميكاسىندا ەرەكشە ورىن الادى. قىتاي الەمدەگى شيكى جىبەك پەن دايىن جىبەك بۇيىمدارىن ءوندىرۋشى جانە ەكسپورتتاۋشى جەتەكشى ەلدەردىڭ ءبىرى سانالادى.

2026 جىلعى قىركۇيەكتە قىتاي ءداستۇرلى ءوندىرىس سالالارىن ساپالى دامىتۋعا ارنالعان العاشقى ۇلتتىق ديرەكتيۆاسىن جاريالاعان. قۇجات جىبەك ءوندىرىسىن قوسا العاندا، ءداستۇرلى سالالاردىڭ حالىقارالىق باسەكەگە قابىلەتتىلىگىن ارتتىرىپ، جاھاندىق قۇن تىزبەگىندەگى ورنىن نىعايتۋدى كوزدەيدى.

سونداي-اق جۇما كۇنى قىتايدىڭ شىعىسىنداعى حانچجوۋ قالاسىندا ءداستۇرلى ءوندىرىس سالالارىنىڭ العاشقى كورمەسى اشىلدى. وندا جىبەك، شاي، فارفور، شاراپ، ءداستۇرلى قىتاي مەديتسيناسىنىڭ ونىمدەرى مەن قولونەر بۇيىمدارى كوپشىلىك نازارىنا ۇسىنىلدى.

پىكىرلەر