ۋكراينا قارۋلى كۇشتەرى رەسەيدىڭ بىردەن بىرنەشە وڭىرىنە درونمەن شابۋىل جاسادى. بۇل تۋرالى جەرگىلىكتى باق-تار مەن Telegram ارنالارى حابارلادى، دەپ حابارلايدى "ادىرنا" ۇلتتىق پورتالى.
Mash ارناسىنىڭ مالىمەتىنشە، العاشقى سوققى ساعات 00:00 شاماسىندا روستوۆ وبلىسىندا تىركەلگەن. كەيىن ريازان، ليپەتسك، ۆورونەج جانە پەنزا وبلىستارىندا دا جارىلىستار بولعانى تۋرالى اقپارات تارادى.
قالا تۇرعىندارى بىرىنەن كەيىن ءبىرى بولعان جارىلىستاردى ەستىگەن. ساۋدا ورتالىعى ماڭىنداعى عيمارات وتقا وراندى. كۋاگەرلەردىڭ ايتۋىنشا، دروندار وتە تومەن بيىكتە ۇشىپ، 5-تەن 10-عا دەيىن جارىلىس بولعان. اۋە شابۋىلىنا قارسى قورعانىس جۇيەلەرى ىسكە قوسىلعان.
پەنزادا سەگىزگە جۋىق جارىلىس تىركەلدى، ال سامارا وبلىسىنداعى نوۆوكۋيبىشەۆسك قالاسىنىڭ تۇرعىندارى تاڭعى 4:30 شاماسىندا 15-كە جۋىق جارىلىستى ەستىگەن. دزەرجينسكي اۋدانىندا جارىلىستار ەرەكشە كۇشتى بولعان. كەيبىر تۇرعىندار اۆتوماتپەن اتىسقا ۇقساس دىبىستاردى دا ەستىگەن.
تۇنگى درون شابۋىلدارىنىڭ سالدارىنان كەمىندە ەكى ادام قازا تاۋىپ، تاعى ەكەۋى جاراقات العان.
